Frotmarkshæðin í 200-300 m fyrir austan

Maður þarf ekki að vera hissa á ófærðarfréttum austan af Hellisheiði eystri.  Þarna hefur hitinn verið undir frostmarki alveg frá sl. föstudegi (4. maí) og öll úrkoma sem fellur í þeirri N- og NA-átt sem hefur verið ríkjandi síðan þá, fellur vitanlega sem snjór.   Þetta ástand er ofureðlilegt fyrri hluta maímánaðar, fremur kalt loft norðlægrar áttar er ríkjandi veðurlag árstímans.  Því fylgir éljagangur og jafnvel samfelld snjókoma á fjallvegum og heiðun norðan og norðaustantil og hæg gróðurframvinda þar sem næturfrost eru tíð í byggð.

En við lifum hins vegar enn á góðviðri síðustu viku, þegar maður nánast heyrði grasið grænka og sá laufið vaxa út úr brumi sínu. 

Grænlandshæðin verður hér ríkjandi eitthvað fram í næstu viku samkvæmt nýjustu spám.

Veturinn hefur ekki sleppt taki sínu enn

Athugasemdir

[Þorkell Guðbrands (IP-tala skráð) 9.5.2007 kl. 12:50]

http://www.wetterzentrale.de/pics/avnpanel1.html

Má ekki skilja þetta sem svo að það séu allmiklar líkur á hlýrra lofti þarna um og upp úr miðri næstu viku?

[Ester Sveinbjarnardóttir, 10.5.2007 kl. 21:02]

Eins gott að vera á nagladekkum þarna í hálkunni.

[Ásdís (IP-tala skráð) 14.5.2007 kl. 07:50]

Já það er því miður lítil framför hjá gróðri í þessum aðstæðum. Því stingur það í eyrun að heyra veðurfréttastúlkuna á Stöð 2 tala um góðviðrið hér fyrir sunnan, sem sagt þurrkur og sól. Við gróðurnördarnir þiggjum frekar vætuna í maí. Þá hætti kanski kötturinn að koma inn rykugur og rafmagnaður á hverjum degi.