Púffið hans Magnúsar Tuma á ratsjánni

Í morgun sáu sjónarvottar að dálítill öskumökkur reis upp frá gosstöðunum í Fimmvörðuhálsi. Á ratsjármynd Veðurstofunnar sem sýnir sérstaklega toppa skýja kemur þessi mökkur fram á mynd kl. 07:15, en 15 mínútum fyrr var ekkert sjáanlegt.  Magnús Tumi kallaði gosmökkinn á Rás 2 "smá púff".

Mökkurinn er ekki mikill um sig og rís heldur ekki upp í hærri hæðir. Út frá þessum upplýsingum einum má ætla að toppurinn rísi í 5 til 7 km hæð, kannski 8 km en ekki hærra.

En eflaust er nú samt tilkomumikið að sjá til hans frá nálægri byggð. 

Viðbót kl. 08:00:

Á mynd Jónu Sig á mbl.is sést að mökkurinn er nokkuð tilkomumikill og ljós yfirlitum.  Líkast til er einkum vatnsgufa þarna á ferðinni og mökkurinn þá afleiðing gufusprenginga í gossprungunni.

Athugasemdir

[Njörður Helgason, 22.3.2010 kl. 11:13]

Það er hið besta mál þegar Eyjafjallajökulseldstöðin léttir svona á sér án hlaupahættu. Þó að mér sem hefur haft Kötlu á heilanum frá æsku. Fyrst hræðst hana, síðan fylgst með og eftir það beðið eftir því að bryddi á Barða þyki þetta vera eins og meðal Helklugos frá árinu 1971. Ágætis túristagos.