Veðurratsjáin biluð í næstum viku

Veðurratsjá Veðurstofunnar sem staðsett er við Sandgerði er mikilvægt tæki í vöktun veðurs um landið suðvestanvert.  Hún hefur nú verið biluð frá því sl. fimmtudag, engar skýringar eru gefnar af hálfu Veðurstofunnar, né þess getið hvenær ætla megi að hún komist í lag. 

Sérlega bagalegt var ratsjárleysið í nótt, en élin og snjókoman komu mönnum fyrir vikið enn frekar í opna skjöldu.  Með því að skoða kort má greina að það snjóaði einhverntímann frá kl. 03 til kl. 06 í morgun. Veðursjáin er nokkurs konar vökult auga og með hjálp hennar má fylgja éljum nokkuð nákvæmlega eftir, staðsetja og tímasetja þegar þau koma utan af Faxaflóa.

Einnig er vont á þessum gostímum að veðursjáin skuli ekki virka, því mögulegur gosmökkur upp úr Eyjafjalljökli, nú eða í Kötlu á að kemur vel fram og hann má greina næsta auðveldlega með þessu þarfalega tæki. Jafnvel þó allt sé á kafi í skýjum og ekkert sér til fjalla frá byggð. 

Myndin er sú síðasta sem veðursjáin sendi að kvöldi fimmtudagsins sl. og hefur síðan þá verið "frosin" á síðu Veðurstofunnar.  

Viðbót kl 14. Veðurstofan hefur fjarlægt gömlu ratsjármyndina og tilkynnt um bilun og að viðgerð standi yfir.  Mér skilst að tækið sjálft sé í lagi, en vandkvæði með að komu gögnum frá henni. 

Athugasemdir

[Lesandi (IP-tala skráð) 7.4.2010 kl. 17:33]

Ég lét vita af biluninni sl. Laugardag.  Ég er flugmaður, og það er mjög bagalegt að hafa þetta ekki í lagi.  Ég fékk í dag svar um að unnið sé að viðgerð.

[einsi (IP-tala skráð) 7.4.2010 kl. 23:15]

Það vantar einnig aðra ratsjá, t.d. í Grímsey eða á Gagnheiði. Núna er tækifæri á að vinna í málinu vegna yfirstandandi goss og hugsanlegs Kötlugoss.

Sjá nánar;

http://www2.icao.int/en/anb/met-aim/met/iavwopsg/Meeting%20Documents/IAVWOPSG-4/Report.pdf

 6.2.2 In connection with the use of remote sensing for detection volcanic ash, the group
considered a proposal by the Iceland Meteorological Office (IMO), which was responsible both for
aeronautical meteorology and volcanological monitoring in Iceland. In particular, the opinion of the
IAVWOPSG was sought on a proposal to install a second Doppler weather radar in the eastern part of the
country to assist in monitoring the volcanic eruption activity in that area. The group considered that such
an additional radar could have provided useful information related to the 2004 eruption of Grímsvötn,
located in the Eastern part of the country, if it had been operational then. Furthermore, a new Doppler
radar in that area would be likely to optimise radar coverage over Iceland for volcanic cloud monitoring.
The group noted that, according to the expert opinion of the IMO, Grímsvötn was expected to enter an
active state with an estimated eruptive period of every two to seven years. Such eruptions could have a
major impact on aircraft operations over the NAT Regions since Icelandic volcanoes were situated close
to important air routes.