Loftþrýstingur yfir 1040 hPa

Á morgun mánudag er útlit fyrir að loftþrýstingur fari lítið eitt yfir 1040 hPa suðvestanlands um tíma nálægt hádegi, en lækki síðan aftur. 

Nú er mikið háþrýstisvæði af suðlægum uppruna fyrir sunnan og suðvestan landið. Við sjáum á kortinu að 1040 hPa línan er við landið og þrýstingur í miðju um 1045 hPa.  Það er nánast árvisst að loftvog fari yfir 1040 hPa hér á landi.  Tíðnin er á að giska rúmlega 1 tilvik á ári.  Þetta hár loftþrýstingur verður oftast á tímanum frá því síðla hausts í október fram undir vorið í apríl/máí.  Hann er hins vegar nær útilokaður svo hár yfir sumarmánuðina.

Hæst hefur loftvægið hér á landi farið í 1058 hPa.  Það met er alveg eldgamalt eða frá því árið 1841, nánar tiltekið 3. janúar það ár.  Fyrir áhugafólk um háþrýstimet er tengill hér á fróðleik Trausta Jónssonar um það efni.