Snjókoman í Arizona er óbeint vegna veðurs hér við land

Veðurkortið frá Bandaríkjunum sem hér fylgir og er frá miðnætti sýnir glögglega "poka" af kaldara lofti í háloftunum sem slitið hefur sig frá meginloftstraumnum.  Loftið í þessum kalda "poka" er það kalt að úrkoma í fjalllendi eða hásléttu Arizona fellur sem snjókoma.

Fyrirstöðuhæð hér við land hefur áhrif langt frá sér (sjá skýringar frá því í gær).  Þegar eðlilegt vestanstreymið í háloftnum varpast upp eins nú er raunin suður af Íslandi nær yfirleitt á svipuðum tíma kalt loft að slíta sig frá til suðurs langan veg vestan við hæðina og stundum einnig austan hennar.  Sú er einmitt raunin nú í Arisona og N-Mexíkó.   

Snjór í eyðimörkinni í Arizona

Athugasemdir

[Ásta (IP-tala skráð) 23.1.2007 kl. 10:03]

Var eitt sinn stödd í Sahara þegar skyndilega brast á með hagléljarbyl og jörð varð alhvít. Börn léku á allsoddi en örfáum tímum seinna voru öll haglkornin bráðuð. Daginn eftir voru blóm tekin að spretta upp úr jarðveginum á ógnarhraða. Náttúran kann að nýta sér það sem gefst.