Tími kæfanda hita (ekki þó á Íslandi !)

Nú er hann runninn upp sá tími á þéttbýlum svæðum meginlands Evrópu og við austurströnd N-Ameríku og kæfandi sumarhitinn ætlar allt lifandi að drepa.  Frá því um helgina var hiti í norðanverðri Evrópu um og yfir 30°C og eftir því sem sunnar dregur ekki verandi inni við án loftkælingar. 

Sama er vestanhafs, en þar skullu sumarhlýindin nokkuð skyndilega yfir.  Í New York sé ég að talað er um að í gær hafi hitinn í Central Park farið í 39,5°C og það einnig sagt vera hæsti hiti sem þar hefur nokkru sinni mælst.  Veit ekkert um það, en hitinn er engu að síður kæfandi og hundurinn greinilega mjög sáttur við baðið á Manhattan í gær (mynd af New York Times).   Bandaríkjamenn eru uppteknir af 100 gráðum á Fareinheit (36°C) sem þröskuldi fyrir ofsahita eða hitabylgju. Eðlilega segir maður nú bara, en 100 Fareinheitstigin þykja ekki þá sömu í vellíðan manna í eyðimörkinni við Phoenix í Arizona, heldur en í rakanum við Atlantshafið. 

Sveinn Helgason fréttaritari RÚV í Washington sagði í pistli fyrir skemmstu að svo heitt væri að börn gætu aðeins verið úti við í leik stutta stund í einu.  Loftkæld rými, nú eða sundlaugar (kaldar) væru eina leiðin í ástandinu. 

Þó að við eigum erfitt með að skilja þá tilfinningu, geta margir erlendir ferðamenn þess feginleika þegar hressandi og hæfilega svöl golan leikur um þá við Leifstöð þegar fyrstu skrefin eru tekin á íslenskri grundu um hásumar.

Athugasemdir

[Rafn Haraldur Sigurðsson (IP-tala skráð) 8.7.2010 kl. 08:58]

Ég sá á Accu weather að hitinn í Bagdað er um 42°núna og fer í 50°á laugardag.  Með þetta í huga þá held ég að ég kjósi nú frekar lághitasvæðið Ísland með sína náttúrulegu loftkælingu sem virkar ákaflega vel nú um þessar stundir.

[Grefillinn Sjálfur - Koma svo! (IP-tala skráð) 8.7.2010 kl. 10:08]

Einmitt ástæðan fyrir því að maður vill hvergi annars staðar búa. Kuldinn getur verið leiðinlegur, en hitinn er miklu verri.

[Sigurður Þór Guðjónsson, 8.7.2010 kl. 12:53]

Bagdad er reyndar einhver heitasta borg heims um hásumarið sem ekki stendur nú allt árið. En á flestum stöðum þar sem hitabylgjur geta komið standa þær fremur stutt og koma kannski með margra ára millibili.

[Jóhann Grétar Kröyer Gizurarson (IP-tala skráð) 8.7.2010 kl. 14:10]

Tjekkið á þessu í Baghdad, Írak:

Á lau: Hæst 49 C° og lægst um nóttina 33 C° !!!!!!!!!!!!!!!!!!!!

http://preview.weather.com/outlook/recreation/outdoors/tenday/IZXX0008

Oj bara

[Sigurður Þór Guðjónsson, 8.7.2010 kl. 14:51]

Og merkilegt að þetta svæði er vagga siðmenningar í heiminum og var hitafar þar þá svipað og nú. Við Níl verðiur oft líka geysiheitt en þar var annað fornt menningarsvæði, í grennd við Luxor þarsem verður enn heita en þar sem pýramídarnir eru. Og Ísland!? Þar hefur siðmenning ekki enn fest rætur!

[Gunnar (IP-tala skráð) 8.7.2010 kl. 15:28]

Það er bara vonandi að eitthvað af þessum hlýindum skili sér að lokum hingað norður og niður.  Ekki veitir af.

[Inga Sæland Ástvaldsdóttir, 17.7.2010 kl. 01:45]

Spánn er nóg fyrir mig , hér er hitastigið a bilinu 29 - 32 gráður nánast frá byrjun jíni fram í sept.og auðvita koma dagar þar sem hann er all miklu hærri.  Ég hlakka bara til að koma heim í svalann, þetta er allt of mikið fyrir víking eins og mig :)