Lítið um hitibeltisstorma á Atlantshafinu það sem af er

Heldur hefur verið lítið um fellibylji og hitabeltisstorma á Atlantshafi það sem af er tímabilinu.  Fellibylurinn Alex myndaðist reyndar áður  en skilgreint fellibyljatímabil hófst, þ.e. síðari hlutann í júní.  Síðan þá hefur lengst af verið með kyrrum kjörum þarna suður frá.

Þeir sem sýsla með spár um fjölda fellibylja og hitabeltisstorma á Atlantshafinu voru á einu máli um að þetta árið yrði með þeim fjörugri.  Spá Dr. Gray´s við Háskólann í Colorado frá því í byrjun ágúst gerði þannig ráð fyrir um 10 stormum af fellibyljastyrk (meðaltal: 5,8) og að 5 þeirra yrði meiriháttar (meðaltal: 2,3).

Eftir nokkrar vikur þar sem bókstaflega ekkert var um vera er nú komin fram hitabeltisstormurinn Danielle.  Honum er spáð styrk fellibyls næstu tvo sólarhringa og eftir það mun hann berast út á Atlantshafið í norðvesturátt.

Næstu fimm til sex vikurnar eru þær sem líklegast er að hitabeltisstormar myndist á Atlantshafi og fróðlegt verður að fylgjast með framvindunni. 

Nýlega kom fram nokkuð sérstök kenning um myndunarhætti fellibylja, þar sem haldið er fram að litur sjávar hafi áhrif orkuflæðið frá yfirborðinu og þar með líkur á því að hitabeltisstormur geti myndast.  Haffræðingurinn Anand Gnanadesikan hjá NOAA heldur fram að eftir því sem hafi er blárra, því lengra niður í djúpið berst sólarljósið, með þeirri afleiðingu að efsta yfirborðið fær ekki þann varma úr sólinni sem annars væri. Blátt haf dregur því úr getunni til myndunar fellibylja. Ég mundi halda á móti að það miklir iðustraumar væru í yfirborðslögum sjávar, jafnvel við hægan vinda, að þeir tryggðu blöndun varma niður á tiltekið dýpi í svokölluð hitaskiptalagi efst í sjónum. 

Nánar um þessa kenningu um þátt "bláa hafsins" má lesa hér.

Athugasemdir

[Ágúst H Bjarnason, 23.8.2010 kl. 16:52]

Sæll Einar

Á vef Ryan Maue hjá Department of Meteorology, Florida State University er áhugaverður ferill sem sýnir þróunina síðastliðin 30 ár.

Sjá:   http://www.coaps.fsu.edu/~maue/tropical/

"...Northern Hemisphere year-to-date ACE is now over 50% below normal. The Western North Pacific is at 16% of normal (or the past 30-year average)..."      [ACE=Accumulated Cyclone Energy].

Sjá einnig eldri grein: http://climateaudit.org/2009/03/12/great-depression-global-hurricane-activity-reaches-new-lows/

 Með kveðju...

[Sveinn Atli Gunnarsson, 23.8.2010 kl. 17:58]

NOAA orðaði spá sína varðandi fellibyljatímabilið, eitthvað á þessa leið, sjá nánar Fellibylir á Atlantshafi 2010 á loftslag.is:

NOAA telur að það séu 85% líkur á því að fellibyljatímabilið 2010 verði yfir meðallagi. U.þ.b. 10% möguleiki er að tímabilið verði nærri meðallagi og um 5% möguleiki á að það verði undir meðallagi. Svæðið sem spáin nær til er Norður Atlantshaf, Karíbahafið og Mexíkóflói.

Þessar horfur endurspegla ástand í Atlantshafinu sem getur leitt til meiri fellibyljavirkni þar. Þessar væntingar eru byggðar á spám varðandi þrjá þætti loftslags á svæðinu, sem hafa stuðlað að aukinni tíðni fellibylja í sögulegu samhengi. Þessir þrír þættir eru: 1) hitabeltis fjöl-áratuga merkið (e. tropical multi-decadal signal), sem hefur verið áhrifavaldur á tímabilum með mörgum fellibyljum, 2) óvenjulega hátt hitastig sjávar í Atlantshafinu við hitabeltið og í Karíbahafinu og 3) annað hvort ENSO-hlutlaust eða La Nina áhrif í Kyrrahafinu, með meiri líkum á La Nina áhrifum.

Það er að sjálfsögðu töluverð óvissa í svona spám, en það virðist vera litið til sögulegs samhengis í spánni. Meðal þeirrar óvissu sem var nefnd í spá NOAA var:

1. Spár varðandi El Nino og La Nina (einnig kallað ENSO) áhrifa er vísindaleg áskorun.

2. Margir möguleikar eru á því hvernig stormar með nafni og fellibylir geta orðið til miðað við sömu forsendur. T.d. er ekki hægt að vita með vissu hvort að það komi margir veikir stormar sem standa í stuttan tíma hver eða hvort að þeir verði fáir og sterkari.

3. Spálíkön hafa ákveðnar takmarkanir varðandi hámark tímabilsins í ágúst til október, sérstaklega spár gerðar þetta snemma.

4. Veðurmynstur, sem eru ófyrirsjáanleg á árstíðaskalanum, geta stundum þróast og varað vikum eða mánuðum saman og haft áhrif á fellibyljavirknina.

Svo er einnig spurning hvort að litur sjávar hafi einhver áhrif. En það verður fróðlegt að fylgjast með þróuninni.

[Sveinn Atli Gunnarsson, 23.8.2010 kl. 18:01]

Það klikkað eitthvað með tilvitnanirnar í síðustu athugasemd minni. En 2. og 3. málsgrein eiga að vera sem tilvitnun og svo upptalningin á óvissunni, 4 þættir.

[BJörn (IP-tala skráð) 24.8.2010 kl. 13:12]

Timabilið er frá 1. júní

http://www.aoml.noaa.gov/hrd/tcfaq/G1.html

Subject: G1) When is hurricane season ?

Contributed by Neal Dorst

The Atlantic hurricane season is officially from 1 June to 30 November. There is nothing magical in these dates, and hurricanes have occurred outside of these six months, but these dates were selected to encompass over 97% of tropical activity. June 1st has been the traditional start of the Atlantic hurricane season for decades. However, the end date has been slowly shifted outward, from October 31st to November 15th until its current date of November 30th.