Vefurinn loftgæði.is

Umhverfisstofnun heldur úti vefnum loftgæði.is eða loftgaedi.is.  Þegar farið er þar inn birtist undir eins styrkur svifryks (10PM) í Reykjavík á Grensásvegi.  Og það sem meira er um vert hvernig hann hefur verið að þróast síðustu daga.  

Auðvelt er að stytta eða lengja tímabil það sem er til skoðunar að vild.   Bendi á þetta hér þar sem ég var að agnúast á dögunum út í það hversu langdregin þau eru skrefin við að nálgast mælingarnar á vef Reykjavíkurborgar sem á og rekur þennan mengunarmæli.

Að sögn Þorsteins Jóhannssonar sérfræðings hjá Umhverfisstofnun er unnið að því að auðvelt verði að nálgast allar þær mengunarmælistöðvar úti um landið og fá á skjótan hátt yfirlit um ástand mála.   Eins er auðvelt að skoða aðra mæliþætti en svifryk s.s. styrk kolmónoxíðs og annarra miður æskilegra snefilgastegunda. 

Það er heldur ekki úr vegi að sýna hér almennar leiðbeiningar frá Þresti Þorsteinssyni á Jarðvísindastofnun HÍ um viðbrögð og aðgæslu sem rétt er að sýna við tiltekinn styrk svifryks. Ef menn vilja prenta leiðbeiningarnar út má nálgast þær hér í fullri upplausn

 

Athugasemdir

[Morten Lange, 15.9.2010 kl. 20:31]

Takk fyrir að fjalla um þetta málefni. Tvennt finnst mér vanta hér að ofan:

1. Það ætti að athuga hvað sé hægt að gera til að draga úr svifryki, þar sem nokkur kostur er.  Minnka svifryk sem berast af byggingarsvæði, til dæmis. Setja gjöld á nagladekk í þéttbýli. Setja gjöld á sérstaklega mengandi bílum og öðrum faratækjum. Lækka hámarkshraða þegar stillir eru umferðin framleiði mikið af svifryki. Varðandi aðgerðir sem snúa að umferðinni liggur fyrir tillögu um heimild til slíks í frumvarpi að nýjum umferðarlögum.
2. Að mæla þyngd per rúmmeter gefur sennilega ranga mynd af heilsufarvandann, og þá sérstaklega þegar mörkin eru sett við 10 mikrómeter.  Ögnin eru hættulegri en léttari eftir sem þeir verða minni. Minni agnir fara neðar í lungun og minnstu agnirnar geta að sögn farið ur í blóðið.  Þar er auki er stærri hlutfall agna sem eru steinefni meðal stærri agnir, en þegar maður kemur niður í 2,5 mikrometri, 1 eða lægri er stærri hlutfall sót úr dísilvélum og þess háttar.  Agnir sem draga að sér önnur óþverrameðal annars vegna þess að yfirborðið er stórt. Og efnafræðileg virkni er líka meiri en í ögnum frá vegunum eða frá hálendinu.

Ég tek samt smá fyrirvara hvað varðar svifrykið úr Eyjafjallajökli. Sagt er að það ryk geti verið eins og glernæli, eða svipað og asbest. Vonandi eru það ýkjur.  En ætti að kanna hið fyrsta.  Hef sjálfur bloggað um svifrykið  áður og gott ef ekki vísað í skýrslur/greinar...