"Dautt" veður ?

Ef hægt er að segja að veður sé "dautt" þá gerðist það að kvöldi 22. nóvember kl. 23.  Veðurkortið af Veðurstofunni gefur ekki til kynna að allir mælarnir séu dottnir út, að það sé ein allsherjarbilun í kerfinu eins og kannski mætti ætla.  Nei, á þessum fimm stöðvum, þ.e. á Reykjavíkurflugvelli, við Veðurstofuna, á Korpu, í Geldinganesi og á Kjalarnesi var hitinn 0°C og logn að auki. Á þeim öllum og það samtímis, hvort sem þið trúið því eða ekki ?

Athugasemdir

[Hörður Sigurðsson Diego, 23.11.2010 kl. 00:24]

Sérkennilegt svo ekki sé meira sagt. Er staddur í Víkurhverfinu þar sem maður fann allt detta í dúnalogn.

[Emil Hannes Valgeirsson, 23.11.2010 kl. 00:44]

Þetta er alger veðurleysa - kannski hið eina og sanna ó-veður.

[Björn Emilsson, 23.11.2010 kl. 02:05]

Kuldi í Seattle. Veðurmaðurinn í kvöldfréttunum fimbulfaldaði mikinn hve kalt væri niður í 21 stig F. Til samanburðar fór hann yfir kortið og kom með að á North Pole i Alaska væri 31F , Nuuk Greenland 31F og loks Reykjavík Iceland, you rembember the vulcano last year 31F too. All warmer than Seattle !!! Og hló við.

[Óskar J. Sigurðsson (IP-tala skráð) 23.11.2010 kl. 13:09]

Sérkennilegt líka þegar Veðurstofa Íslands tók að nota tákn fyrir breytilega átt þegar er logn.

[Sigurður Þór Guðjónsson, 23.11.2010 kl. 13:50]

Lognið á undan storminum!