Óvenjulegur loftkuldi samfara mikilli vindkælingu

Verulega kalt loft berst nú til suðurs yfir vestanvert landið og þó mörgum þyki nú þegar ískalt er enn að kólna fram á kvöldið.  Trausti fjallar meira um þennan kuldapoll og samhengi við annan heldur minni sem hér var á ferð fyrir nokkru.

Um leið og frostið mun bíta að þá er með því talsvert mikil vindkæling þegar hvessir enn frekar í kvöld og nótt. Í Reykjavík má þannig gera ráð fyrir um 10 stiga frosti kl.18 og á sama tíma N-átt 10-12 m/s.  Sé litið á vindkælingatöflu eins og þessa hér  jafngildir vindkælingin um og yfir -30°C væri hægviðri eða logn.  

Enn kaldara verður vestur á fjörðum og á fjallvegum þar og eins á Snæfellsnesi í um 300-400 metra hæð er spáð  -16 til -17 °C og vindstyrk um 15-18 m/s síðar í dag.  Vindkæling á bert hörund samsvarar þá  -40 til -45°C með sömu aðferð.  

Eitt er víst að ekki vildi ég vera þarna á ferðinni, fyrir utan það að skyggni er lítið, ofanhríð og skafrenningur, en ef skyldi bila og maður þyrfti út úr bílnum, já þá er vissara að vera búinn eins og þarf til ferðar á Norðurpólinn (svona í gríni !). Og blessaðar skepnunarnar, vonandi er allt sauðfé og hross á húsi, í það minnsta í góðu skjóli. 

Myndin af vetrarhrossunum er fengin af vef Berglindar.

Athugasemdir

[Hreiðar B. Skarphéðinsson (IP-tala skráð) 6.1.2011 kl. 10:54]

Var einhver að tala um Global Warming?

Það eru búin að vera kaldir vetur undanfarin á í Kína, Japan, Kóreu, N-Ameríku og Evrópu udnanfarin 2-3 ár.  Og svo heyrist manni að sumrin hafin ekki verið neitt sérlega hlý í t.d. Evrópu undanfarin 3-4 ár. 

Hvernig fara Global Warming-sinnar að ljúga sig út úr þessu? 

[snæfinnur (IP-tala skráð) 6.1.2011 kl. 11:13]

Smá upplýsingarum vindkælingu vegna umræðu um -45 gráðu frost á Íslandi (með vindkælingu) langar mig pínkupons að slá á áhyggjur þeirra sem óttast um frostskemmdir á bílunum sínum :)

Vindkæling hefur engin áhrif á bíla. þessir vindkælingastuðlar eru bara reiknaðir til að sýna orkutap húðar í ákveðnum vindi m.v. logn. þetta breytir ekki neinu um hvenær vatn frýs.... :) -0°c eru alltaf bara -0°c hvort sem það er logn eða vindur. Hitt er svo annað mál að bílvél, ---eftir að hún er orðin heit--- kólnar hraðar í vindi en logni, hreinlega eins og allir aðrir hlutir. Vélin kólnar samt aldrei niðurfyrir útihitastig þrátt fyrir vind. Vindkæling hefur því engin áhrif á kalda bílvél sem húkir útá plani yfir nótt.

það sama á við um húðina. Í -10°c og 0 m/sek vindi tapar húðin ákveðið mikilli orku á mínútu við að halda á sér 37°c hita. Ef við breytum vindi úr 0 m/sek í 10 m/sek, þá tapar húðin meiri orku við að halda sér í 37°c, sem jafngildir -30°c í logni.

Segjum sem svo að viðkomandi myndi drepast (slökkt á bílvélinni hér fyrir ofan) þá myndi húðin kólna hraðar niður í -10°c (umhverfishita) í vindinum en logninu, engöngu vegna þess að hreyfing loftsins í kringum líkið :) myndi hraða hitaútstreyminu alveg niður í -10°c. Viðkomandi lík myndi samt aldrei kólna niður í -30°c þrátt fyrir vindinn ef lofthiti er -10°c

vona að þessi hrollkalda lýsing útskýri aðeins fyrirbrigðið "vindkæling" fyrir þá sem hafa áhuga.

[Einar Sveinbjörnsson, 6.1.2011 kl. 11:17]

Frávik eða atburður sem varir í einn eða tvo daga  í síbreytilegri veðráttunni hefur ekkert að gera með loftslagshlýnun fremur en þegar hitinn var 8 til 10 stigum yfir meðallagi sl. sunnudag (2. jan).  Engin á að þurfa að ljúga einu né neinu, tölur og mælingar standa alltaf fyrir sínu og horfa þarf á jörðina í heild sinni, en ekki afmörkuð svæði í skamman tíma.Höfum það hugfast.

ESv

[Þóroddur F. Þóroddsson (IP-tala skráð) 6.1.2011 kl. 12:53]

Það er einn galli á öllu þessu norðan báli að við fáum enga snjókomu í fjöllin hér sunnanlands, er eitthvað í spilunum sem gefur von um breytingu á því?

ÞFÞ

[Bergur Ingi Geirsson (IP-tala skráð) 6.1.2011 kl. 16:19]

já er ekki eitthvað að fara að snjóa í skálafelli og bláfjöllum?

[Ólafur (IP-tala skráð) 6.1.2011 kl. 22:54]

Svo er spurning fyrir okkur stangveiðimenn með þetta blessaða suðvestur-horn okkar. Ætli verði áframhaldandi snjóleysi á veturna og Norð-Austan þurrkar á komandi sumrum?

[Hreiðar B. Skarphéðinsson (IP-tala skráð) 7.1.2011 kl. 08:47]

Nei, Einar, en langvarandi kuldar í N-Ameríku, N-Evrópu, í Kína (svo langt sem í suður Kína), auk Kóreu og Japan ættu að "skemma" þessa kenningu um Global Warming. 

Hvernig fara loftlagshlýnunarsinnar að því að útskýra öll þessi langvarandi kuldaköst?

Þetta ætti að valda loftlagshlýnunarsinnum höfuðverk og veikja verulega málstað þeirra.  A.m.k. tel ég að þeir standi frammi fyrir stóru útskýringarvandamáli.

Svo hafa verið kuldaköst af og til hér á landi frá því um 20. okt.

Og svo er spáð frosti, kulda og hvössum norðanáttum fram undir miðjan þennan mánuð, svo varla hlýnar hér í bráð.

[Höskuldur Búi Jónsson, 7.1.2011 kl. 10:40]

Hreiðar. Við vitum að síðastliðið ár er með þeim heitari frá því mælingar hófust (ef ekki heitasta). Þetta er meira spurning með það hvernig hitinn dreifist nú. Það er t.d. búið að vera óvenjuhlýtt undanfarna mánuði víða annars staðar. Sjá t.d. ástandið á Norðurskautinu samkvæmt NSIDC - Repeat of a negative Arctic Oscillation leads to warm Arctic, low sea ice extent en þar er t.d. þessi mynd sem sýnir frávik frá norminu:

 

Það vill bara þannig til að þar sem frávikið hefur undanfarið verið til kólnunar (t.d Norður Evrópu og Norður Ameríku) þar eru háværustu og öflugustu fjölmiðlar heims og þar eru því raddir háværastar um að það sé að kólna.

[Sigurður Þór Guðjónsson, 8.1.2011 kl. 15:24]

Hvað er ein árstíð eða jafnvel tvær í stærra samhengi. Í þessum kalda desember var reyndar líka óvenjulega hlýtt í S-Rússlandi og Tyrklandi og svo framvegis. Og hvar hafa þessir ''langvarandi'' kuldar verið, kannski árum saman? Þetta líkist þráhyggju eða kannski fremur hysteríu hvað menn lita oft til skamms tíma þegar rætt er um veðurfarsbreytingar, eitt hýtt sumar, einn kaldur vetur, er nefndur sem afgerandi dæmi sem á að sanna eitthvað. Jafnvel kuldaköst sem vara nokkra daga. 

[Hreiðar B. Skarphéðinsson (IP-tala skráð) 11.1.2011 kl. 09:24]

Sigurður Þór og Höski Búi:

Það eru búin að vera langvarandi kuldaköst í Skandínaviu og N-Evrópu, N-Ameríku, Kína og almennt í Suð-Austur Asíu.

Hér á landi eru búnir að vera kuldaköst af og til síðan um 20 okt. og ekkert útlit er fyrir að þeim linni á næstunni.  Spár næstu daga gera ráð fyrir viðvarandi kuldum út þennan mánuð.  Gríðarlegt fannfergi er fyrir norðan og austan og ekkert lát er á þvi.

Spái því reyndar að þessi vetur verði með þeim kaldari sem verið hefur með kuldaköstum og snjóum langt fram á vor.  Siðan taki við kalt sumar og sólarlítið.
Þetta veðrakerfi sem nú ríkir hér á landi, er ekkert ósvipað því og ríkti hér á árunum 1973-1974, 1974-1975, 1978-1979, 1980-1981, 1987-1988, 1988-1989. 
Ég bjó erlendis frá 1991-2002, svo ég veit ekkert hvernig veðráttan var hér á landi þann tíma.

Eitt er víst, ég held að mýtan um alheimslhlýnun sé stórlega ýkt og að við séum einmitt á því tímaskeiði og kólnandi fer líkt og upp úr 1960.
Ég veit að þessi skoðun mín er argasta guðlast fyrir ykkur hlýnunarsinna, en svona kuldaköst fær einmitt fólk til að snúast á sveif gegn ykkur.

Eitt er víst, núverandi kuldakast verður langvarandi, og sumarið þar að leiðandi kalt.  Þetta hefur oft gerst áður og mun því miður gerast nú.

[Sveinn Atli Gunnarsson, 11.1.2011 kl. 09:55]

Hreiðar:

Mér þykir þú fullyrða mikið út frá einstökum kuldaköstum yfir vetrarmánuðina á norðurhvelinu (það myndi nú heyrast eitthvað í fólki ef ég myndi fullyrða svona varðandi einstakar hitabylgjur - sem ég geri ekki). Hvaða kristalkúlu notaðirðu við spánna þína varðandi veturinn og næsta sumar?

Reyndar er núverandi hlýnun jarðar nú bara staðfest með hitamælingum og það er fátt sem bendir til þess að þessi kuldaköst sem stóðu yfir til skamms tíma t.d. í Skandinavíu og Norður-Evrasíu hafi mikil áhrif á hitaleitnina til lengri tíma. Það voru t.d. svæði í sem voru mjög hlý miðað við desember mánuð núna s.l. desember:

Lofthiti yfir Austur-Síberíu var 6-10 gráðum celsíus yfir meðal desembermánuð. Í austurhluta Kanada var hitastig minnsta kosti 6 gráðum celsíus yfir meðaltali og sum staðar (t.d. Baffin Island) um 10 gráðum celsíus yfir meðaltali.

Sjá nánar, Hafísyfirlitið fyrir desember 2010 ásamt stuttu myndbandi um hitastigið í mánuðinum. Þannig að þessi kuldaköst sem voru á ákveðnum svæðum á norðurkvelinu, virðast ekki hafa verið einkennandi fyrir allt norðurkvelið...

Að lokum tengill í eina mýtuna: Það er kalt á Klonke Dinke og því er engin hnattræn hlýnun