Öxnadalsheiði sker sig úr

Á meðan veður er dýrvitlaust víðast á Norðurlandi og veðurhæð yfirleitt meiri en 20 m/s, sker Öxnadalsheiði sig úr eins og sést á meðfylgjandi klippu af korti Vegagerðarinnar laust fyrir miðnætti (6. jan).

Þar hefur lengst af ekki verið nema 2-4 m/s.  Ljóst að þar sem mælirinn er á háheiðinni er skjól þegar vindáttin er rétt vestan við norður. Í fyrstu hélt maður kannski að vindmælirinn væri bilaður, en svo er alls ekki.

 

Athugasemdir

[Skafti Brynjólfsson (IP-tala skráð) 7.1.2011 kl. 21:51]

Já Einar þetta er vel þekkt hjá staðkunnugum og hefur karl faðir minn oft talað um þegar ég hef verið á ferðinni að hánorðan og NV átt sé ágæt á heiðinni auk þess er oft talsvert  minni úrkoma í þessum aðstæðum  þar heldur en úti í Eyjafirði.