Auðvelt að fylgjast með gosmekki á ratsjá Veðurstofunnar

Hér er slóð inn á myndir eins og þessa sem sýna ágætlega útbreiðslu gosmakkarins. Veðurstofan er þegar búin að stilla ratsjánna á aukna sjónvídd, alla leið austur á Vatnajökul.

Slóðin er http://www.vedur.is/vedur/athuganir/vedurradar/#teg=radarisl.

Vindar í lofti eru frekar hægir, NA-átt næst jöklinum, en hærra uppi, þe. ofan 5 km hæðar er vindur V- eða NV-stæður. Við sjáum að "flekkurinn" berst til austurs.  Ég hef ekki upplýsingar enn um það hversu hátt gosmökkurinn hefur risið, en sennilega er hann hærri en 6 km, en þó ekki hærri en 10 km.   Þetta skýrist brátt. 

Athugasemdir

[Erlingur Alfreð Jónsson, 22.5.2011 kl. 15:51]

Þurfum við ekki að eignast aðra veðurratsjá staðsetta fyrir austan, nær þessum stóru eldstöðvum? Eða hreinlega færa þess ratsjá frá Keflavíkurflugvelli og staðsetja annarsstaðar hærra, t.d. upp á Hellisheiði eða hreinlega Esju?

[Einar Sveinbjörnsson, 23.5.2011 kl. 06:54]

Veðurratsjáin er staðsett á Miðnesheiði. Hennar tilgangur hefur alla tíð verið mestur í tengslum við flugið og að hafa sjónvídd til hafsins. Hins vegar hefur sjónsviðið eða geislinn verið stækkaður til að ná einmitt lengra til austurs og norðausturs. Grímsvötn eru þó vissulega í jaðri sjónsviðsins.

Búið er að taka ákvörðun um kaup á nýrri veðursjá autanlands. Veit ég ekki betur en að Veðurstofan hyggist koma henni fyrir á Teigsbjargi ofan Fljótsdals í sumar. Þaðan er vítt að sjá til allra átta. En veðurratsjár eru dýr tæki og ef þau kostuðu umtalsvert minna væri búið að koma fyrir neti veðurratsjáa hér.

ESv