Hiti loks upp fyrir frostmark á Fjarðarheiðinni

Ég hef verið að fylgjast með hitanum á mæli Vegagerðarinnar á hæsta heilsársfjallvegi landsins, þ.e. Fjarðarheiðinni á milli Hérðaðs og Seyðisfjarðar.  Þau undur og stórmerki hafa nú gerst að hitinn þarna upp í 600 metra hæð er nú kominn upp fyrir frostmarkið eftir að þar hefur verið samfellt frost í á fimmta sólarhring eða frá því seint þ. 5. júní.  Ekki einu sinni náð að klökkna yfir miðjan daginn. Þetta er áreiðanlega einsdæmi hins síðari ár, þó erfitt sé með allan samanburð uppi í þessari hæð.

Sólin var farin að skína þarna uppi í morgun eins og meðfylgjandi klippa úr vefmyndavél Vegagerðarinnar sýnir. Mystísk þokan þó skammt undan.  Ansi er nú samt vetrarlegt um að lítast á þessum slóðum !

 

Athugasemdir

[Hermundur Sigurdsson (IP-tala skráð) 10.6.2011 kl. 20:15]

Var á heiðinni kl. 15 í dag, þá var 5 stiga hiti og rigning. Greinilega miklar sviptingar í veðrinu þessa daganna.