Hitabeltisstormurinn IRINE

Hitabeltisstormur IRINE er sá níundi á Atlandshafinu þetta misserið.  Engin þeirra náði styrk fellibyls, en IRINE er á þröskuldi þess að geta talist fellibylur.  Þrýstingur í miðju er þessa stundina 993 hPa og mesti vindur nærri yfirborði áætlaður 28-30 m/s.  Vindhraðaviðmiðið er þarna aðeins annað en við eigum að venjast því talað er um meðalvind einnar mínútu á meðan við oftast mær lítum á 10 mínútna meðlvind.  Á þessu getur stundum verið nokkur munur.

Eitt af skilyrðum þess að hitibeltislægð flokkist sem 1. stigs fellibylur er að mesti áætlaður vindur sé að lágmarki 32 m/s. IRINE stefnir nú á Puerto Rico eins og sjá má á meðfylgjandi spá NOAA um ferðir stormsins. Vangaveltur bandarískra veðurfræðinga í morgun á fyllibyljamiðstöðinni í Miami á Flórída snúast m.a. um það hve áhrif það hefur að styrk kerfisins verði brautin yfir Hispanjólu þar sem eru nokkuð há fjöll.  Líklega dregur við það úr styrk, en verði brautin norðlægari þar sem miðjan helst yfir sjó eru líkur til þess að kerfið styrkist nokkuð.

Ég fjallaði um daginn hér um spár um fellibyli á Atlantshafinu og hversu liðið er á tímabilið án þess að sá fyrsti sýni sig.  Segjum svo að IRINE nái styrk fellibyls ekki síðar en á morgun, 23. ágúst þarf engu er fyrsti bylurinn álíka seint og var síðast árið 2006.  Haustið 2002 rak hver hitabeltisstormurinn annan, en enginn þeirra náði samt styr fellibyls fyrr en með GUSTAV 9. september það haust. 

Athugasemdir

[Sveinn Atli Gunnarsson, 22.8.2011 kl. 09:49]

Irene er núna orðin að fellibyl, sjá http://www.nhc.noaa.gov/text/refresh/MIATCPAT4+shtml/220858.shtml

[Þór Gunnlaugsson (IP-tala skráð) 22.8.2011 kl. 11:49]

Sæll Einar

Migh langar til þess að spyrja þig um fjölgun óróamæla á landinu þegar ekkert er um að vera?  Ég skoða þetta á hverjum degi en engar skýringar eru á hraðbergi það gröfin þýða en sum eru æði skrautleg.

með kveðju

ÞG