Einkar mildur morgunn

Hér má sjá yfirlit veðurs á landinu kl. 06 í morgun af vef VÍ.  Ekki beint nóvemberlegt veður. Ef fetta kort vær sett fyrir framan mig óg ég beðinn á giska á árstímann hefði ég líklega sagt sem svo að þetta gæti verið frá miðjum júní og það á mildum slíkum morgni !

Ætli megi ekki segja að hiti sé um 7-8°C yfir meðallagi árstímans á Suður- og Suðausturlandi  og 10-12°C á Vestfjörðum og Norðurlandi. Frostmarkshæðin er í um 2.000 metrum sem þýðir að leysingin nær til flestra jökulsvæða einnig. 

Þetta veðurlag er með hreinum ólíkindum og í raun stendur maður bara agndofa frammi fyrir þessu.  Ég er hissa á því að fleiri stök hitamet skuli þó ekki vera sleginn eins og svo háttar til þessi dægrin.  Aðrir liggja yfir metatöflunum og birta okkur metatíðindinn um leið og þau falla.

Fyrir um viku eða 8. nóvember var fyrra hámark þessara hausthlýinda hér.  Þá reiknaði ég uppruna loftsins yfir norðanverðu landinu til hafsvæðanna úti af Biskayflóa.  Sams konar reikningar með HYSPLIT sína áþekkan uppruna.  Nú þó heldur sunnar undan Portúgal og þar um slóðir.  

Það lægir heldur á morgun í bili a.m.k. og þá kólnar yfirborðið heldur þó svo að áfram leiki mjög milt loft um landið. 

Athugasemdir

[Sigrún Björgvinsdóttir, 15.11.2011 kl. 14:33]

Veðurfarið nú í nóvember er sannarlega dásamlegt. Nóg er að berjast við myrkrið þó kuldinn hörfi aðeins. Enn hefur aðeins einu sinni gránað í rót um Egilsstaði. Og reyndar er myrkrið þolanlegra og ekki eins svart þegar svo bjart er í loft eins og flesta daga nú að undanförnu. Ég fylgist með í hvaða átt tungl kviknar og svo vill til að það tvennt fylgist að tíðarfarið í stórum dráttum og áttin sem tungl kviknar. Það hefur nú gerst a.m.k síðan í apríl. Gáið bara í Alanak háskólans. Tungl nóvembermánaðar  kviknaði  í vestri 26. okt. Síðan hafa verið stöðugar vestan og sunnaáttir.

Tunglið sem "ræður" veðri í desember kviknar í austri 25. nóv Þá gæti orðið snjóasamt hér á Héraði  en tæplega mikil frost.

Það á nú auðvitað ekki að setja þetta á síður hjá vísindalærðum veðurfræðingi. En ég veit að Einar afsakar það. Það er svo margt sér til gamans gert.

Sigrún