Frosthorfur

Þennan miðvikudgsmorgunn er komið hægviðir um mikinn hluta landsins.  Eins er heiðríkt annars staðar en austan- og norðaustanlands.  Þar með er útlit fyrir að það herði á frostinu í dag þegar loftið næst jörðu er stöðgut og blandast ekki við efri loftlög.  Kannski ekki víst í dag að hitinn fari almennt séð niður fyrir -20 stigin, en í það heila er frostið vaxandi í kyrrviðrinu. 

Í það heila tekið á landsvísu veður þetta kannski kaldasti dagurinn í þessari lotu sem hófst 29. - 30. nóvember.  

Hins vegar er spáð kaldari loftmassa eða gangumkaldara lofti hér undir helgi, eða náðara sagt á föstudag.  Kortið sem hér fylgir er spákort HIRLAM af Brunni VÍ. Það sýnir annars vegar hita í 850 hPa fletinum.  Tunga með  -20°C þar nær norðurströndinni og eins og Trausti Jónsson vísaði til á dögunum er fremur fátítt að svo kalt loft nái landi.   Sérstaklega ef haft er í huga að sjórinn fyrir norðan land vermir stögut loftið.  Þætti af þeim sökum síður frættnæmt væri hafís útbreiddur skammt norður undan.  Svo er ekki heldur lítið um hafís eins og venja er þetta snemma vetrar. 

Hin stæriðn sem spákortið sýnir er þykkt í dekametrum á milli 1000 hPa þrýstiflatarins og 500 hPa. Henni er spáð norðaustanlands kl. 09 á föstudagsmorgunn niður fyrir 500 dekametra (5.000 metra).  Það yrði þá lægsta gildi þessa mikilvæga kuldavísis í yfirstandandi kuldakasti.  Það hefur samt ekki endilega í för með sér að frostið verði meira en annars.  Hægviðrið og heiðríkjan eru ekki síðri þættir fyrir lágar frosttölur á hitamælum.  Oft fylgir nefnilega þessu allra kaldasta lofti gjóluvindur, skýjaður himinn og jafnvel ofankoma.

En hversu lengi varir kuldatíðin ?  Sennilegt er að dragi verulega úr frostinu á sunnudag og geri jafnvel vægan blota a.m.k. um sunnan- og austanvert landið.  Fari svo mun kaflinn telja allt í allt 11 daga og þar með orðinn með þeim lengri á síðari tímum, þe. eftir að tók að hlýna í lok tíunda áratugarins.  

Hins vegar gæti kólnað aftur í næstu viku.  Spár eru óljósar enn hvað það varðar, en reynslan hefur kennt manni að sjaldan er ein báran stök í þessum efnum.  

Athugasemdir

[Bjarni Gunnlaugur (IP-tala skráð) 7.12.2011 kl. 10:23]

"Sérstaklega ef haft er í huga að sjórinn fyrir norðan land vermir stögut loftið.  Þætti af þeim sökum síður frættnæmt væri hafís útbreiddur skammt norður undan."

"Oft fylgir nefnilega þessu allra kaldasta lofti gjóluvindur, skýjaður himinn og jafnvel ofankoma."

Má þá skilja þetta sem svo að væri hafís fyrir norðurlandi þá næði þessi kaldi loftmassi fullum áhrifum, engin ský og fimbulfrost?

Merkilegt með þessa kuldatíð að enn er hægt að reka niður rafgirðingarhæla, snjórinn einangrar svo vel! 

[Einar Sveinbjörnsson, 7.12.2011 kl. 14:30]

Rétt til getið Bjarni !

Hafísinn lokar fyrir varmastreymi frá hafinu.  Á smærri kvarða kannski líkt og í Þingvallasveitþar sem menn finna menn vel mun á frostinu eftir að vatnið leggur.

En áhugavert að heyra þetta með þíða jörð eða því sem næst undir snjónum.  Maður þekkir svo sem vel til frásagna þess efnis að jörð komi þýð undan snjó í vorleysingunni.

ESv

[óli Hilmar Briem Jónsson (IP-tala skráð) 7.12.2011 kl. 23:16]

........þeir eru sérkennilegir þessir staðbundnu " kuldapollar " í  "smærri kvarða"

sem þú talar um Einar . Á laugardaginn ók ég austur á Hvolsvöll síðla dags.

Ég fylgdist náið með hitamæli í bílnum sem sýnir útihita.  Veðrið var " eins" á

leiðinni , heiðskýrt og hægviðri.  Í Svínahrauni var 15 C frost , á Hellisheiði ( sem

er töluvert hærri !) var 9 C frost .  Lárétt vegalengd milli mælistaða varla 10 km !

Ótrúlegur munur á svona stuttri vegalengd.

Skemmtilegt og fróðlegt blogg hjá þér eins og Trausta og mín fyrsta færsla hér.