Brast á austanlands rétt um miðnætti

Þessi klippa af síðu Vegagerðarinnar segir allt sem segja þarf.  V-áttin brast á nú rétt um miðnætti austan Beturfjarðar, en sunnan Vatnajökuls er veður farið að ganga niður.

31 m/s á Öxi og 36 m/s á Breiðdalsheiði. Þetta er mældur 10 mín meðalvindur.  Hviðurnar eru meiri.  Á Eyjabökkum 37 m/s og á Fjarðarheiði og Oddssskarði var hann rétt að ganga upp þegar "myndin var tekin".

Athygli vekur Fagridalur.  Landslagið stýrir vindi þar og V-átt nær sér ekki á strik.  Hins vegar í SA-áttinni í aðdragandsa lægðarmiðjunnar fyrr í kvöld eða um kl. 21 mælidst hviða upp á 51 m/s á Fagradal.  Athyglisvert það verð ég að segja á þeim stað.

Eins er það með Hvalnes.  Þar er áttin ekki rétt ef svo má taka til orða.  Um 500 metrum austar í Hvaldal gæti hins vegar slegið til.  Þar er enginn mælir.

Fyrr í kvöld mældist ofsaveður í Mýrdal og á Mýrdalssandi.  Það stóð hins vegar stutt yfir sem og annars staðar.

 

Athugasemdir

[Gunnar Th. Gunnarsson, 10.1.2012 kl. 02:53]

Á Fagradal blæs bara að norðan eða að sunnavegna legu dalsins. Ótrúlega snögg veðrabrigði geta þar átt sér stað, það fékk ég oft að reyna þegar ég vann þar við snjómokstur. Á vindkorti Vegagerðarinnar frá því í kvöld, sést þetta glögglega

Á efri myndinni sést hvernig hann ríkur upp um kl. 21.00. Á neðri myndinni sést vindáttin, en hún liggur í 180 og 360 gráðum.

Á Reyðarfirði er svipaða sögu að segja, afar mismunandi hvað vindurinn nær sér á strik, eftir vindáttinni. Almennt er talið að NV-áttin sé verst hérna en í kvöld rauk hann upp í há-vestri. Þetta gerðist mjög snögglega eins og sést af gögnum Veðurstofunnar, en nú, rétt fyrir kl. 03 heyrist mér að þetta sé gengið niður að mestu, sjá hér

TímiVindurMesti vindur / hviðaHitiRaka- stig
Þri 10.01 kl. 02:00	24 m/s	27 m/s / 37 m/s	-1 °C	59 %
Þri 10.01 kl. 01:00	25 m/s	28 m/s / 39 m/s	-0,7 °C	78 %
Þri 10.01 kl. 00:00	20 m/s	20 m/s / 30 m/s	1,1 °C	84 %
Mánudagur, 09. jan. - Kollaleira
Tími	Vindur	Mesti vindur / hviða	Hiti	Raka- stig
Mán 09.01 kl. 23:00	6 m/s	6 m/s / 8 m/s	1,5 °C	92 %