Ísfréttir frá Diskóflóa

Danska Veðurstofan rekur umfangsmikið íseftirlit við Grænlandsstrendur.  Martin Nilsen hjá hafísmiðstöð DMI (Issentralen) segir að framgangur hafíss við Vestur-Grænland það sem af þessa vetrar verið meiri og hraðari en almennt séð hafi verið síðustu 15 árin eða svo. 

Í Diskóflóa sé útbreiðsla íssins nú þetta snemma vetrar eins og eðlilegt gat talist á  níunda og tíunda áratugnum.  Ef frem fer sem horfir með vetrarkuldann við V-Grænland gæti Diskóflóinn úti fyrir Ilulissat (Jakobshavn) allur orðið samfrosta. Slíkt gerist aðeins í hörðustu vetrum og er orðið nokkuð um liðið frá síðast slíkum vetri.

Á sama tíma berast fregnir af því að Eystrasaltið og Helsingjabotn séu íslaus með öllu um um miðjan janúar.  Slíkt ástand þykir fáheyrt og með talsvert öðrum brag en var síðustu tvo vetur þegar ísilögð hafsvæði voru með meira móti.

Rétt að halda því til haga að veðurfarsbreytingar eða langtímaþróun veðurfars á þarna ekki hlut að máli, heldur eru þetta sveiflur á árakvarða sem eru vel þekktar og ansi hreint magnaðar hér norðurfrá og beggja vegna Atlantshafsins. 

Um þær var m.a. fjallað í tengslum við NAO á dögunum.

 

 

Athugasemdir

[Sigurður J. Þorgríms. (IP-tala skráð) 16.1.2012 kl. 13:46]

Hafa bara ekki orðið einskonar "pólskipti" í vetrarveðrinu á norðurhveli?

Nú bregður svo við að svo virðist sem að kuldinn sem venjulega hangir yfir Finnlandi og Rússlandi á þessum tíma árs, virðist hafa flutt sig vestur og sé nú yfir norður Kanda, Alaska, Grænlandi og jafnvel Íslandi.

Það hefur nefnilega verið óvenjulega hlýtt í Finnlandi og Rússlandi nú í vetur.

Svo má spyrja sig hversu lengi (mörg ár) þetta ástand muni vara?

[Krímer (IP-tala skráð) 17.1.2012 kl. 11:53]

En hvað með iðnaðarsaltið og Ölgerðarina?