Snjókomubakki yfir suðvestanlands

Það hefur gersí tví- eða þrígang í vetur að skil með úrkomu koma suðvestan úr hafi og inn á land og með þeim nær varla að blota sem heitið getur.  Úrkoma fellur því víðast öll sem snjókoma.  Venjulegi gangurinn í þessu er að fyrst snjói í skamma stund og fari síðan yfir í leysingu með tveggja til fimm stiga hita.  Loftið er jú suðlægt af uppruna og komandi af slóðum þar  sem er nokkru hærri sjávarhiti.

Nú er einmitt enn skilin af þessari tegundinni að koma inn á landið.  Samfelld snjókoma verður sunnan- og suðvestanlands í 3 til 4 klst Talsveður bylur á fjallvegum þar sem A-áttin nær 12-15 m/s. Eins sums staðar á Suðurnesjum, en meira sem mugga í hægum vinið á Höfuðborgarsvæðinu.

En hver er ástæðan ?  Ein helsta er sú að blöndun er við loftið vestur- og norðvesturundan sem verið hefur í kaldara lagi síðustu vikurnar.  Önnur er að yfirborðshiti sjávar hefur heldur verið að gefa eftir miðað við það sem hefur verið undanfarna vetur.  Sú þriðja og kannski veigamesta þegar allt er talið er að vindur í háloftunun (í um 5 km hæð) er nálægt því að vera hávestan-stæður í stað þess að vera úr suðvestri eins og oftast er þegar skil koma úr suðvestri með lægðum.  Suðlægur þáttur vindsins í þessari hæð ræður (eins og gefur að skilja !) miklu um uppruna loftsins. 

Ratsjármyndin sem hér fylgir af Brunni Veðurstofunnar er frá kl. 08:15.  Hún sýnir vel hvað úrkomubakkinn er þéttur og samfelldur. Hann kemur nú í rólegeitum inn á landið.  Fer ekki yfir það heldurhægir ferðin yfir miðju landinu síðar í dag um leið og sjálf lægðin berst til austurs (undan V-áttinni uppi) fyrir sunnan land.  Úrkomusvæðið klárar sig síðan og leysist upp nokkurð hratt síðar í dag og í kvöld. 

Á þriðjudag er síðan spáð enn einum skilum af þessari gerðinni með mestmegnis snjókomu.

Athugasemdir

[Krímer (IP-tala skráð) 20.1.2012 kl. 15:25]

Já því miður virðist ekki nást að blóta sem heitið getur.  Ég sé fram á að komast ekki á blót í kvöld vegna fannfergis.

[Veðurvitinn (IP-tala skráð) 22.1.2012 kl. 13:31]

Gab!  Maður er orðinn þreyttur á þessum endalausa snjó. 

Þar er einfaldlega ekkert nýtt í þessu og eitt eigum við nóg af og það er snjór, meiri snjór, og enn meiri snjór og endlaus snjór.  

Langt fram á næsta sumar mun þetta verða svo áfram og slá öll fyrri met.

Veðurfræðingar geta því bara tekið sér frí frá veðurspám næsta mánuðina, því þetta mun verða svona næsta 4-5 mánuðina.

[Einn sem hatar snjó (IP-tala skráð) 22.1.2012 kl. 15:29]

Mikið vildi ég vera annars staðar en á Íslandi núna.  T.d. í London þar sem hitinn er 11 stig og náttúrulega enginn snjór, eða þá á Flórida þar sem er sumarblíða, sól og hiti. 

Maður er búinn algjörlega nóg af snjó það sem er út þessa öld.  Ég bókstaflega hata ég snjóinn og væri guðslifandi feginn þó ég sæi aldrei snjó næstu áratugina, svo þreyttur er ég orðinn á þessari snjókomu sem er búin að vera hér viðvarandi í 10 vikur og á eftir að vera hér amk. 10-12 vikur í viðbót.