Mikil sólvirkni og líkur á tilkomumiklum Norðurljósum

Í gær tók ég eftir frétt á mbl.is þar sem sagði: "Von er á miklum norðurljósaskrúða á næturhimninum yfir Íslandi í kvöld, þar sem saman fara mikil virkni og góð veðurskilyrði."  Ekkert varð úr þessu í gærkvöldi.  Kannski hlupu menn fram úr sér í tíma, því það er í kvöld sem afleiðingar þess sem kallað er kórónuskvetta sólar  (e. corona mass ejection) nær fyrst inn í gufuhvolf jarðar. 

Svokallað Kp-gildi fyrir norðurljós umhverfis segulskaut norðurhvelsins mælist nú 4 og þess vegna gæti það náð 5 í kvöld (3 klst gildi).   Svo hátt Kp-gildi hefur ekki komið fram frá því 25. til 26. okt sl. Flesta daga er gildið 1 eða 2 og stundum 0 þegar virkni sólar er sélega lítil.  Þá sést yfirleitt ekki til norðurljósa hér á landi, jafnvel við bestu veðurskilyrði. Þessi kvarði nær upp í 9, en afar fátítt er að efstu stig hans komi til álita. 

Þá er það hvar líkur verða á heiðum himni í kvöld ? Norðurljós eru oftast tilkomumest um og skömmu fyrir miðnætti en þá er segulmiðnætti sem er aðeins annað en sólarmiðnætti (um kl. 01:40) 

Vestanlands  virðist ætla að verða sæmilega bjart og eins á Suðurlandi, sérstakelga í uppveitum og eftir því sem austur dregur.  Suðvestanlands verður mikið að létta til um þetta leyti.  Minni líkur eru norðan- og austanlands, sérstaklega úti við sjóinn, en heiðríkja frekar til landsins s.s. norðaustanlands. 

Athugasemdir

[Ágúst H Bjarnason, 22.1.2012 kl. 20:17]

Til að fylgjast með hvort norðurljós séu yfir Íslandi nota ég m.a. þessa heimasmíðuðu síðu: www.agust.net/aurora

Þar eru nokkrir beintengdir ferlar sem komið geta að gagni.

[Ágúst H Bjarnason, 22.1.2012 kl. 22:27]

Space Weather News for Jan. 22, 2011
http://spaceweather.com

GEOMAGNETIC ACTIVITY: Earth's magnetic field is reverberating from a CME impact during the early hours of Jan. 22nd. The hit compressed Earth's magnetic field, briefly exposing some geosynchronous satellites to solar wind plasma, and disturbed the ionization structure of Earth's upper atmosphere. As night falls on Jan. 22nd, Arctic sky watchers are reporting bright auroras in response to a polar geomagnetic storm (Kp=5).  Please check http://spaceweather.com for images and updates.

[Guðný Heiðbjört (IP-tala skráð) 23.1.2012 kl. 01:28]

Sæll

Bý í Breiðuvík á Snæfellsnesi og hér voru afar tilkomumikil norðurljós í kvöld. Venjulega eru norðurljósin fyrst og fremst yfir fjallgarðinum en nú logaði allur himininn langt suður yfir Faxaflóann ( horft héðan af hlaðinu) :)