Hægt að fylgjast með úrkomuframvindu við Boston

Mér sýnist á veðurkortum að rignt hafi meira og minna á þessum slóðum frá því á föstudag. Ég hef ekki enn hins vegar rekist á neinar tölur um úrkomumagn.  Þessi samfellda rigning er vegna nær kyrrstæðra veðraskila sem liggja þarna yfir ströndina frá hafi nærri Boston.  Skilin berast ekki norðar  þar sem fyrirstöðuhæð norðurundan heftir framrás þeirra.  Á meðan berst látlaust rakt loft af hafi.

Þeir sem hafa áhuga geta fylgst með þróuninni á síðu sem sýnir úrkomu hverja klst. frá veðurradar sem mér sýnist vera staðsettur við Boston.

Búist við miklum flóðum í Massachusetts

Athugasemdir

[Elín Björk Jónasdóttir (IP-tala skráð) 15.5.2006 kl. 16:28]

Sæll Einar, ég fann síðu þar sem úrkomumagn og staða fallvatna eru skráð, http://www.erh.noaa.gov/box/hydroobs2.shtml þarna er hægt að sjá bæði töflur og eins úrkomukort.
Kveðja, Elín Björk.

[Einar Sveinbjörnsson, 16.5.2006 kl. 00:19]

Sæl Elín ! Þakka þér kærlega fyrir ábendinguna. Það er hægt að finna nánast allt um veður á netunu, sérstaklega ef það er frá Bandaríkjunum. Set inn kort af uppsafnaðri 24 stunda úrkomu undir færsluna af þessari slóð sem þú bendir á. Þegar þetta er skrifað virðist regnið hafa minnkað mikið, en spáð er nýrri gusu þarna á morgun.