Norðurljós liðna nótt alveg suður í Danmörku

Svokallaður Kp-vísir, sem norðurljósáhugafólki er af góðu kunnur, reyndist vera með hærra móti liðna nótt. Kp-vísirinn er mælikvarði á segulstorma inn í gufuhvolfið og þar með virkni norðurljósanna. Mælitæki á nokkrum stöðum á jörðu niðri eru grunnur að Kp-vísinum.

Hann náði "rauðu" í gærkvöldi og gildinu 6 í skamma stund snemma í nótt.   Fræðilega er hann skilgreindur alveg upp í 9, en 7 eða hærri fylgir miklum og fremur fátíðum viðburðum, stórum sólgosum eða öðru slíku.  

Norðurljósin voru af svo miklum styrk að þau náðust á filmu suður í Danmörku í gærkvöldi.  Slíkt er ekki algengt og aðeins þegar virkni á norðurljósakraganum umhverfis segulskautið er mikil.  Myndin  er fengin af vef DMI og var hún tekin af Michael Lentfer Jensen við Grástein (hvar sem sá staður er nú ?).

Ég hef ekki haft neinar spurnir af norðurljósasjónarspili hér á landi, en líklegt er að himnarnir hafi einhversstaðar náð að loga eftir að dimmdi í gærkvöldi.  Algengur misskilningur margra er sá að til norðurljósa sjáist að eins að vetrinum og helst þegar kalt er.  Hið rétta er að enginn munur er á árstíðum hvað norðurljósin áhrærir, en vissulega verður næturmyrkrið af skornum skammti upp úr þessu og þá sést vitanlega ekki til dýrðarinnar þó svo að Kp-vísirinn mælist hár !

Athugasemdir

[Ágúst H Bjarnason, 24.4.2012 kl. 22:47]

Þessi tilkynning barst fyrir um hálftíma. Kannski það verði aftur norðurljós í nótt, þó varla eins mikil og síðustu nótt:

[e-mail]	10:04 PM (37 minutes ago)
to spacalrt

This is an alert from the Rice Space Institute issued on Tue Apr 24 22:04:00 UTC 2012
Predicted Value of Kp warrants Condition YELLOW

Trigger Kp Value: 4.384887
This prediction is based on the ACE Solar Wind data.

Í gær barst þessi tilkynning:

[e-mail]	Apr 23 (1 day ago)
to spacalrt

This is an alert from the Rice Space Institute issued on Mon Apr 23 20:04:00 UTC 2012
Predicted Value of Kp warrants Condition RED

Trigger Kp Value: 6.009335
This prediction is based on the ACE Solar Wind data.

"Lifandi" ferla má sjá hér: http://www.agust.net/aurora/