Ekki jafn afgerandi spá um hlýindi jún-ág skv. veðurlagsspá IRI

Fyrir nokkrum dögum sagði ég frá hagstæðari veðurlagsspá fyrir komandi sumar byggða á reikningum evrópsku reiknimiðstöðvarinnar (ECMWF). Nú hefur IRI stofnunin við Columbíaháskólann í Bandaríkjunum birt sína mánaðarlegu veðurlagsspá fyrir flest svæði jarðar.  Hér hjá okkur er útlit fyrir að um 40% líkur verið á því að hitinn verði í hlýrri þriðjungi, 35% nærri meðallagi og 25% líkur að hitinn verði í lægri þriðjungi.  Þetta má sjá á meðfylgjandi korti. Spá ECMWF gefur hins vegar til kynna afgerandi líkur á því að hitastigið júní til ágúst verði í efsta þriðjungi og leyfði ég mér út frá þeirri spá að gera ráð fyrir að hitinn hér á landi yrði 1 til 1,5°C yfir meðallagi mánaðanna þriggja samanlagðra.

IRI (International Research Institute for Climate and Society) er stofnun sem einbeitir sér að veðurfarsspám allt að 6 til 7 mánuði fram í tímann með sérstaka áherslu á  samfélag og hægsæld þróunarlandanna.  Þeir gefa út í hverjum mánuði fjölda spákorta og upplýsinga sem unnin eru út frá líkönum þeirra.  Hér er t.a.m. eitt þeirra korta þar sem glöggt kemur fram spá yfirborðshita sjávar hærri en í meðallagi á Atlanthafi suður af Hvarfi og austur af Nýfundnalandi.  Gangi þessar horfur eftir þýðir það á okkar slóðum að loftmassi af þessum hafsvæðum verði heldur hlýrri en annars í sumar og jafnframt verði loftið rakara og þokugjarnara ef svo má segja.

Fyrir þá sem vilja skoða IRI og spár þeirra er tengill hér.