Vindur nú hjálpar til við að halda svifryki lágu

Fyrst í morgun var nánast logn og kjöraðstæður fyrir svifryksmyndun þegar einnig er horft til annarra veðurbreyta s.s. hita- og rakastigs loftsins.  Hinsvegar er nú kominn ágætur blástur úr norðri a.m.k. yfir Seltjarnarnesið (í landfræðilegri merkingu, en ekki sveitarfélags)  og reyndist vindstyrkurinn á Veðurstofunni nú kl. 11 vera 6 m/s.  Svo mikill vindur tryggir ör loftskipti og dreifingu mengunar. 

Hins vegar eru litlar  upplýsingar að hafa um staðbundinn vind í austurhlutanum, þar eru færri eða jafnvel engir veðurmælar fyrr en komið er að Korpu og Geldingarnesi.  Síða umhvefissviðs Reykjavíkurborgar (www.loft.rvk.is)  er afar þung nú og hef því ekki vindmælingarnar á gatnamótum Grensáss og Miklubrautar. 

Við búum nú við svokallað Esjuskjól í NA-átt.  Þess gætir frekar í austurhluta og efti byggðum höfuðborgarsvæðisin en síður vestantil og stundum alls ekki úti í Gróttu.

Minna svifryk vegna rykbindingar

Athugasemdir

[Js (IP-tala skráð) 28.2.2007 kl. 13:42]

Mikið til í þessu hjá þér amk með Seltjarnarnesið en þar fer lognið mishratt yfir, hef bent veðurstofufólki á þessa skiptingu oft þ.e. að  þegar vindur er fyrir austan norðrið þá geta verið nokkuð sterkir vindar vestan JL hús sem koma út Hvalfjörðinn og enn hvassara er þegar vestar dregur út á nes og fylgjum við því oftar en ekki veðrinu í Keflavík og nágrenni þegar svo er, á sama tíma er kanski hægviðri eða jafnvel austlæg eða SA átt á Bústaðarveginum en það er það veður sem gefið er upp á þessu svæði og væntanlega er unnið eftir. Sá í morgun á leið í vinnu að búið var að bleyta upp ástarbrautina (Grandann) til varnar væntanlegri svifryksmyndun eða frá Eiðistorgi og svo eins langt og augað eygði austur-um, sá nú ekki tilganginn með þessu þarna vestur í bæ í NA golunni.

Hafið góðar stundir

Jón Sn

[Sigurður Þór Guðjónsson, 28.2.2007 kl. 18:10]

Það þyrfti að setja upp sjálfvirka veðurstöð í grennd við Nesstofu. 

[Björn Emil Traustason, 28.2.2007 kl. 22:31]

Þetta er besta blogg Íslandssögunar. Íslenskara blogg er ekki til.

[Kleópatra Mjöll Guðmundsdóttir (IP-tala skráð) 1.3.2007 kl. 12:30]

sammála birni ekki til íslenskara blogg :)