Kl. 9 í morgun var frekar þungbúið á landinu svona í heildina tekið, rigning í Reykjavík, lítilsháttar súld á Akureyri. Fyrir vestan í Bolungarvík var aftur á móti léttskýjað. Sömu sögu er að segja frá Egilsstöðum, en austanlands var hitinn allt að 14 til 15 stig á meðan hitastigið var ekki nema 7 til 9 stig víðast vestanlands. Á Suðurlandi var skýjað og sums staðar einhver væta. Þegar líður á daginn er síðan útlit fyrir að heldur rofi til í höfuðborginni og gera má ráð fyrir að jafnvel sjáist til sólar undir kvöldið. Fyrir norðan er hins vegar gert ráð fyrir skúrum síðar í dag og einnig á Vestfjörðum. Ekta þjóðhátíðarveður verður hins vegar í allan dag á Austurlandi og jafnvel einnig suðaustanlands með sólskini og sumarhita.
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.