Gagnleg skýjahuluspá á nýja vef Veðurstofunnar

Á flestum veðurathugunarstöðum var skýjað nú kl. 18, ýmist alskýjað eða 6 til 7 áttundu hlutar.  Skeyti bárust frá um 30 stöðvum. Það var aðeins á Kirkjubæjarklaustri og Höfn sem var hálfskýjað. 

Vefur Veðurstofunnar veitir aðgang að margvíslegum veðurspám settar fram með nýstárlegum hætti.  Ein þessara spáa er skýjahuluspá og hér er sýnd eins slík. (hér er tengill) Einmitt spá um skýjahulu nú kl. 18 byggð á greiningu 6 klst. fyrr.  Og hvað er svo að marka þessar spár ?  Við sjáum vel að athuganir nú kl. 18 koma vel heim og saman við spánna.  Aðeins suðaustanlands eru raunverulegar glufur. Norðan Vatnajökuls má sjá að tunglmyndum að þar er heiður himinn og líkast til er það svæði stærra en skýjahuluspáin gefur til kynna.

Skýjaspár þessar taka þó ekki til háskýja, en miðský og öll lágský, þ.m.t. þoka eiga að koma þarna með.  Ef áfram er flett sést vel að útreikningar benda til þess að víða muni létta til um mest allt norðanvert landið  í fyrramálið.  Það kemur heim og saman við það sem er að gerast í ferðum hæða og lægða í grennd við landið og hvernig loftið er smámsaman að þorna við þær breytingar.  

 

 
Á morgun 16. júní kl.12 (spá VÍ 15061200+24t)