Hvað hefur Zimov fram að færa ?

Þetta er einkennileg frétt á mbl.is sem skilur eftir sig fleiri spurningar en svör. Hvað hefur Loðfílasaur frá forsögulegum tíma á túndrum Síberíu að segja hvað varðar loftslagsbreytingar?  Ekki dugar að vitna í Reuter, því hvergi kemur fram með hvaða hætti þessi forsögulega leðja á að hafa áhrif.  Manni dettur svo sem í hug metangas sem losnar úr læðingi, en varla í svo miklum mæli að svartsýnustu spár eigi eftir að blikna í samanburði við spá hins rússneska vísindamanns Sergei Zimov.

Ég bíð spenntur eftir framhaldinu því hálfkveðin vísan hér er verri en engin vísa.  Verður meira á morgun ágætu Moggamenn og konur ??

 

Myndin er af umræddum Sergei Zimov 

Loðfílasaur flýtir hlýnun jarðar

Athugasemdir

[Steinn Hafliðason, 18.9.2007 kl. 00:07]

Já ég tók einmitt eftir þessu líka. Var alltaf að bíða eftir nánari útskýringu á því af hverju þessi miklu áhrif af umræddum saur en á endanum var auðvitað engin. Ég bíð jafn spenntur eftir framhaldinu eins og þú.

[Sigurður Þór Guðjónsson, 18.9.2007 kl. 00:15]

Zimov þessi er nú eiginlega eins og loðfíll í framan!

[Guðmundur Ásgeirsson, 18.9.2007 kl. 01:04]

Þetta er því miður bara sami einfeldningslegi ritstíllinn og oftast er á fréttum mbl.is af einhverju sem tengist vísindum. Maður fær á köflum svona kjánalega tilfinningu eins og þegar maður les leiðbeiningarnar með ódýrustu gerðinni af rafeindatækjum sem eru framleidd í Taiwan eða eitthvað og virðast hafa verið skrifaðar af einhverjum sem skilur ekki einu sinni ensku. ;)

[Valdimar Samúelsson, 18.9.2007 kl. 12:42]

Hvað hafa menn allmennt áhyggjur af CO2  og ef einhvað þá mætti það aukast. Það er gufan í gufuhvolinu sem veldur gróðurhúsaáhrifum og mun gera áfram í milljónir ára. Bíðum róleg eftir hlýskeiði okkar sem sýnir sig þegar Vatnajökull verður aftur Klofajökull eins og hann hét á landnámsöld.  

[Baldur Fjölnisson, 18.9.2007 kl. 23:30]

Jamm og þess vegna ættum við kannski að berjast gegn losun tvívetnisoxíðs.

[Leifur Þorsteinsson, 19.9.2007 kl. 12:48]

Loðfílasaur: Dæmigerð blaðamanna viska.