Um 45 mm á Ísafirði frá 18 til kl. 03

Úrkomumælirinn á Ísafirði sem staðsettur er við Skeið fangaði um 45 mm regns í um 11 stiga hita á frá því kl. 18 í gærkvöldi til kl. 03 í nótt.  Það gerir úrkomuákefð upp á um 5 mm/klst að jafnaði.

Það skal því engan undra að grjót og aur hafi farið af stað þegar slíkt vatnsmagn í þetta mikilli úrkomu fossar niður brattar hlíðarnar.  Vitanlega er úrkoman mismikil staðbundið, hún var heldur minni í Bolungarvík, (mælirinn í Súðavík sendir ekki gögn) og gera má að því skóna að hún hafi jafnvel verið meiri nærri Hnífsdal þar sem flestar voru skriðurnar.  Laus jarðlög og mögulega stíflaðir farvegir eftir bleytutíð undanfarinna daga geta átt þarna þátt. 

Aurskriður féllu í Eyrarfjalli

Athugasemdir

[Þór Ægisson (IP-tala skráð) 18.12.2007 kl. 14:03]

Vatnsveðrið í gær var gríðarlegt hér á höfuðborgarsvæðinu og spurning hvort úrkomumælingar í svona mikilli veðurhæð séu marktækar, en mér fannst eiginlega merkilegast að sjá veðurhaminn á sjálfvirku veðurstöðinni í Sandbúðum, meðalvindur  var um tíma yfir 40 m/s, samt féllu 10-12mm í dallinn. Má líka til með að þakka í leiðinni fyrir þetta skemmtilega veðurblogg þitt fyrir okkur sem sumir vilja kalla veðurnörda.

Kv. ÞÆ

[Katrín Gunnarsdóttir (IP-tala skráð) 18.12.2007 kl. 14:16]

Sæll og blessaður .Eg hef mjög gaman að lesa pistlana þína,

En þó sumum hafi fundist mikil rigning  í Reykjavík,  var hún enn meiri hér í Dýrafirði því að í Hólum  sem er veðurstöð  fyrir Veðurstofu 'Islands var hún 71  mm! Með bestu kveðjum og Jóla óskum ,Katrín Gunnarsdóttir Þingeyri