Rússnesk rúlletta á vegum úti

Þegar þetta er skrifað kl rúmlega 13 er sannkallað fárviðri Holtavörðuheiði eða 33 m/s í meðalvind !

Samt sést á teljara Vegagerðarinnar að umferð hefur verið um heiðina.

Á Hellisheiði eru 29 m/s og lögreglan þurft á loka heiðinni með valdi eftir að bílar hafa fokið útaf.

Þegar svo háttar til eins og nú að kominn er bloti, þarf ekki mikinn ís eða gamlan klaka á vegi (en hríðarveður var á báðum stöðum þar til í morgun) til þess að ökutæki hreinlega fjúki út af í þetta miklum vindi.  Það fer reyndar að gerast við talsvert minni vind en nú er þarna.

Fólk tekur sjaldan jafnmikla áhættu við það að vera á vegum úti en einmitt við þessi skilyrði, að því gefnu að vegurinn sé ekki alauður.  Það á hins vegar ekki við á hinni fjölförnu Hellisheiði sem og Holtavörðuheiði í dag ásamt mörgum öðrum vegum í þjóðvegakerfinu sem Vegagerðin segir ýmist vera hála eða flughála.

Fóru út af á Hellisheiði

Athugasemdir

[Birna M, 27.1.2008 kl. 13:59]

Við verðum feima og frestum sjö ára barnaafmæli um viku, ekkert gaman að flengjast þetta í arfaleiðinlegu veðri.

Ég er atvinnubílstjóri og þekki manna best hvað einmitt svona færð er leiðinleg. Verð inni í dag.

[Elín Björk (IP-tala skráð) 27.1.2008 kl. 15:38]

Ég hreinlega skil ekki að fólk fari í langferðir í svona veðri. Þetta er eins og með ferðafólkið á Langjökli fyrir áramót - algjört ábyrgðarleysi - og í þessari færð er fólk í raun að leggja bæði sitt eigið líf og limi í hættu, og eins fólksins sem kemur til að bjarga því ef eitthvað og þegar kemur fyrir.

 Ég hef rosalega litla þolinmæði fyrir svona hugsunar- ábyrgðar og tillitsleysi!

[Hafsteinn Viðar Ásgeirsson, 27.1.2008 kl. 18:57]

Ég held að þarna geti að einhverju leiti verið um að kenna, hvað það er búið að vera mikið um rangar meldingar um veður og færð á seinni árum. Það er vont að fá fólk til að trúa fullyrðingum um vitlaust veður ef það er margbúið að láta slíkt sem vind um eyru þjóta og sannreyna að ekkert sé að veðri eða færð. Þannig að það er kannski ekkert annað að gera en að hafa annaðhvort opið eða lokað og standa bara á því.

[Kári Tryggvason, 27.1.2008 kl. 20:29]

Ég var að koma úr Grímsnesinu um kl. 11.30 og hafði séð í fréttum og í textavarpinu fyrr um morguninn að Hellisheiðin væri lokuð eins og fram hefur komið. Við ákváðum að fara Þrengslin þar sem við erum löghlíðin. Ég sá þó ekkert skilti við hringtorgið í Hveragerði en ákvað samt að fara ekki heiðina. Þegar við vorum á móts við Sandfell í Þrengslum þá segir í fréttum kl. 12.20 að mikill vindur sé í Þrengslum sem satt var og gler hált. Ég fór að velta því fyrir mér hvort ég væri ekki á réttri leið en vissi jú að svo var, því ekki var svo mikið sem ein klaka ræma á veginum ? Þá velti ég því fyrir mér af hverju verið sé að flytja svona villandi fréttir. Er ekki betra að hafa þetta rétt svo ökumenn fái þá traust á því sem sagt er. Merkingin sem ég sá svo um lokun á heiðinni var ekki merkileg, lítið plast A laga standur, mér finnst þetta vera illa merkt. Verðum að bæta þetta ef við viljum að ökumenn taki mark á ástandi vega og færð.

[Hafsteinn Viðar Ásgeirsson, 27.1.2008 kl. 22:08]

Það er nákvæmlega þetta sem ég meina Kári, við erum búin að fá svo mikið af svona bull-meldingum á síðustu árum að það eru allir hættir að hlusta á þvaðrið og þá getur illa farið...og hefur gert.

[Ragnar Geir Brynjólfsson, 27.1.2008 kl. 22:16]

Ég undrast af hverju Almannavarnir taka ekki ákveðnar í taumana við svona aðstæður. Sjá þessar færslur hér og hér.

[Sigrún (IP-tala skráð) 27.1.2008 kl. 23:25]

Er ekki lausn að gera ráð fyrir að hægt sé  lokað vegum með slá þegar ekki er hættulaust að fara um. Þá geta vitleysingarnir snúið frá í illsku sinni og algeru dómgreindarleysi. Annars finnt mér óafsakanlegt að leggja á fjallveg í brjáluðu veðri og hætta þannig bílum sínum, eigin lífi og annara. Það væri líka sjálfsagt að sekta fólk fyrir slíkan gerning. Peningar virðast vera það eina sem fólk skilur. Sigrún

[Helgi Borg (IP-tala skráð) 28.1.2008 kl. 00:06]

Ég keyrði frá Selfossi til Reykjavíkur um Þrengslin kl. 10:30 eftir að hafa grandskoðað vedur.is og vegagerdin.is. Á vefnum var Hellisheiðin merkt með hvítu, þeas. krapi/snjór og Þrengslin með ljósbláu, þeas. hált. Vegurinn frá Selfossi til Hveragerðis var alveg auður og á skiltinu við Hveragerði stóð Hellisheiði: 1770. Ég velti fyrir mér hvort einhverjir kunni að hafa misskilið þessi skilaboð og haldið rakleiðis á heiðina?

Ég átti von á blautu svelli og var klár með keðjurnar en þurfti þó ekki að nota þær vegna þess að Þrengslin voru marauð alla leið. Þetta kom mér á óvart miðað við merkinguna á vefnum.

Til gamans má geta þess að hitamælirinn í bílnum sló skyndilega upp í 13° í Þrengslunum og féll síðar hratt aftur. Hann hefur alltaf sýnt tiltölulega réttann hita þannig að þetta undraði mig. Fyrst datt mér í huga að þarna hefði verið Hnjúkaþeyr -- mjög öflugur -- en síðan áttaði ég mig á að ég keyrði undan vindi á mjög svipuðum hraða og vindurinn blés.

með kveðju
Helgi Borg

[Jón Örn (IP-tala skráð) 28.1.2008 kl. 08:52]

Hafði samband við vegagerðina á föstudag vegna færðar frá Akranesi  í Húsafell. Þungfært út frá þjóðvegi 1 og aðeins á færi jeppa var svarið. Ég hefði getað farið þetta á hvaða bíl sem er á sumartúttum slíkt var snjóleysið. Þá fór ég heim í gær frá Húsafelli og þá voru upplýsingarnar á þann veg að fljúgandi hálka væri alla leið til Akranes. Hún hefur sennilega verið "fljúgandi" hálkan, í það minnsta fokinn út í veður og vind, því að leitun var að hálkubletti á leiðinni.  Það reyndi því ekkert á fjórhjóladrif og nelgd dekk þessa ferðina. Samt voru fréttir uppfullar af hálku. Það þarf að vanda fréttafluttning betur og styðjast við réttar upplýsingar um færð.

Kv, Jón Örn.

[Elín Björk (IP-tala skráð) 28.1.2008 kl. 09:43]

Ég hef oft velt fyrir mér hvernig þessar hálku/snjómerkingar á vef Vegagerðarinnar verða til, ekki eru athugunarmenn á öllum vegum landsins sem skila inn athugun um aðstæður.

Hitt er annað, að þegar vindhraðinn og vhiðurnar er eins og hann var í gær og í fyrradag og er ákveðin áhætta tekin með því að fara af stað. Vindurinn einn og sér getur verið stórhættulegur - bílar fokið, eða eitthvað fokið á bílana. Það skiptir engu máli hvort um jeppa er að ræða að ekki - þeir geta orðið fyrir foktjóni eins og aðrir bílar og bílstjórar þeirra fipast eins og aðrir. 

Þessi óþolinmæði, að geta ekki beðið af sér versta veðrir,  minnir mig á fólki sem getur setið kyrrt í 5 tíma flugferð, en sér sér ekki fært að stija í sætunum í þær 5-10 mínútur sem líða frá lendingu þar til flugvélin er stöðvuð.  

-Elín Björk.