Veturinn bankar á dyr Svalbarða

Tíðin hefur þótt alveg ágæt síðla sumars norður á Svalbarða. Hitstigið ágætlega yfir meðaltali, en fyrir nokkrum dögum tók að kólna og enn er spáð kólnandi og -8°C nú eftir helgi. Veturinn virðist ætla að hellast yfir þarna norðurfrá af  þó nokkru afli.  Ekkert þarf þó að koma á óvart í þessum efnum enda komið fram yfir haustjafndægur og aukin útgeislun á norðurhjaranum leiðir til hraðrar kólnunar og síðar meir ísmyndunar þar sem yfirborðsseltan leyfir.

Kaldara veður djúpt norðurundan getur haft áhrif hér á landi, sérstaklega ef spáð er norðanátt, sem einmitt er raunin eftir helgi.  Ef svo fer má vænta talsverðra umskipta hér í veðrinu svo ekki sé nú tekið dýpra í árinni.  

Athugasemdir

[Sigurður Þór Guðjónsson, 28.9.2008 kl. 02:03]

Sagði ég ekki! Lurkurinn framundan!

[Ari (IP-tala skráð) 30.9.2008 kl. 02:47]

 Má reikna með mildari vetri þó þar sem Bretar spá skv. þessari mynd hlýrra við Ísland en að meðaltali? Af hverju er því spáð, veistu það Einar (tengist það máske háum styrk North Atlantic Oscillation sem ég skil ekki fyllilega en var að lesa e-ð um)

[Ljónsmakkinn (IP-tala skráð) 30.9.2008 kl. 16:12]

Þetta verður harður vetur - Í öllum merkingum þess orðs