Útlit fyrir kuldatíð til mánaðarmóta.

Langtímaspár eru nú flestar á sömu bókina.  Allt útlit er fyrir að næsta vika verði kalsa- og vindasöm.  Hríðar meira og minna fyrir norðan og austan.  Um land allt kólnar og lengst af vægt frost.  Það verða tvær djúpar lægðir ferðinni sem mest kveður að í þessu tilliti.  Sú fyrri á mánudag og verður hún að öllum líkindum fyrir  suðaustan landið og því NA og N- átt hér.  Seinni lægðin og álíka verður síðan á ferðinni á miðvikudag/fimmtudag ef spár ganga eftir.  Sunnan og suðvestanlands ekki tiltakanlega mikil úrkoma en hitastigið lengst af næstu viku þetta 3 til 5°C undir meðallagi árstímans.

Í þar næstu viku eða frá 27. okt. er í raun ekki að sjá neinar marktækar breytingar, þó minni atgangur í lægðunum og ekki eins úrkomusamt.  Þó engu að síður norðlægar áttir ríkjandi og fremur svalt í veðri.

Það er síðan ekki fyrr en um eða upp úr mánaðarmótum að við förum að sjá hlýrra loft nálgast að gagni úr suðvestri, þá með hækkandi hitastigi og veðurlagi sem gera má ráð fyrir í nóvember, þ.e. þegar skiptast á þýður og vægir frostkaflar, rigningu, einkum sunnan- og vestanlands, en slyddu og snjókomu hærra uppi.      

Spákortið er frá ECMWF, keyrsla 17. okt kl. 00 og gildir mánudag kl. 18.  (vedur.is/mbl.is)

Athugasemdir

[Ágúst H Bjarnason, 17.10.2008 kl. 17:28]

Sæll Einar.

Þú hefur kannski gaman af þessu sem Thomas Jefferson skrifaði. Sjá hér :

A change in our climate however is taking place very sensibly. Both heats and colds are become much more moderate within the memory even of the middle-aged. Snows are less frequent and less deep. They do not often lie, below the mountains, more than one, two, or three days, and very rarely a week. They are remembered to have been formerly frequent, deep, and of long continuance. The elderly inform me the earth used to be covered with snow about three months in every year. The rivers, which then seldom failed to freeze over in the course of the winter, scarcely ever do so now. This change has produced an unfortunate fluctuation between heat and cold, in the spring of the year, which is very fatal to fruits. From the year 1741 to 1769, an interval of twenty-eight years, there was no instance of fruit killed by the frost in the neighbourhood of Monticello. An intense cold, produced by constant snows, kept the buds locked up till the sun could obtain, in the spring of the year, so fixed an ascendency as to dissolve those snows, and protect the buds, during their developement, from every danger of returning cold. The accumulated snows of the winter remaining to be dissolved all together in the spring, produced those overflowings of our rivers, so frequent then, and so rare now.

[Ellismellur (IP-tala skráð) 19.10.2008 kl. 10:13]

Skemmtilegt að lesa það sem Ágúst skýtur hér inn. Allt fer í hringi! - En Einar, ég hef vanist því að tala um mánaða-mót ekki mánaða-r-mót, því þarna mætast tveir mánuðir, ekki satt? Eignarfallið af mánuðir (flt) er mánaða, en af mánuði (et) mánaðar.

[Aðalsteinn (IP-tala skráð) 25.10.2008 kl. 00:32]

Skiptir ekki máli hjá mér hvort það séu mánaða-mót eða mánaða-r-mór. Það eina sem skiptir máli er veðurspá og ég fylgist mikið með þeim. Er að skrifa frá Akureyri og hér er leiðindaveður, hann er allhvass, ofankoma og skafrenningur.

 kveðja frá Akureyri