Sjóðandi vitlaust veður norðaustanlands

Eins og sjá má þá á veðurkorti Veðurstofunnar frá kl. 22 af NA-landi er alveg hreint sjóðandi vitlaust veður á annesjum norðaustanlands og með því allra versta sem maður hefur séð á síðari árum á þessum slóðum. Davíð Guðmundsson vildi vita hvort þessar tölur stæðust og þá þá væntanlega helst á Rauðanúpi á Melrakkasléttu. Það eru engar forsendur, enn a.m.k. til þess að slá einhverjar af þessum mælingum út af borðinu.

Vona ég innilega að allt blessist nú og fari vel hjá fólki á Norðaustur- og Austurlandi í nótt ! 

 

 

Athugasemdir

[Jóhann Grétar Kröyer Gizurarson (IP-tala skráð) 24.10.2008 kl. 23:33]

Sæll Einar.

Veðrið var ekki svona þar sem við hittumst í New York um daginn.

Ég var suður í Keflavík í fyrrinótt og ég hélt að þakið ætlaði af. Samt var ekki "nema" 23-25 m/s. Get varla ímyndað mér 39 - 41 m/s.

Jóhann

[Gunnar Th. Gunnarsson, 24.10.2008 kl. 23:50]

Þetta er með stærri lægðarhlemmum sem maður hefur séð á veðurkorti af N-Atlantshafinu. Allt stóra kortið var ein lægð!

[Jón Steinar Ragnarsson, 25.10.2008 kl. 19:14]

Hér á Sigló fór bærinn á flot í gærkveldi þegar fyllurnar hækkuðu svo sjávarborðið í firðinum að bátar voru við það að fara upp á bryggjur, sem fóru í kaf í látunum. Það er augljóst að eyrin hér þarf að hækka um að minnsta kosti 30 cm til að forða tjóni við svona aðstæður. Mér skilst að 20 metra ölduhæð hér fyrir utan hafi valdið þessu, enda reis yfirborðið hér upp og niður um 1-2 metra á víxl. Maður prísar sig sælan að það var ekki stæsti straumur. Þá hefði litið illa út hér í bæ.