Ísland utan úr geimnum

Meðfylgjandi tunglmynd prýðir forsíðu bókar okkar Ingibjargar Jónsdóttur sem komin er út á hjá bókaforlaginu Veröld.  Myndin er frá 31. maí 2007 og sýnir m.a. fagurmynduð bylgjuský yfir landinu.  Í bókinni, sem er 48 síður í stóru broti, reynum við Ingibjörg að skýra út hin margvíslegu fyrirbæri sem  fjarkönnun býður upp á með hinum stórfenglegu tunglmyndum sem nú bjóðast af landinu.  Mikið er rýnt  í ský, snjó, ís á landi og hafís og m.a. eru teknir fyrir þekktir og allt að því sögulegir viðburðir.  Elsta myndin er frá árinu 1991, en sú nýjasta frá því í sumar.  Nánar á síðu Veraldar. 

Þetta verkefni var einstaklega skemmtilegt og gefandi og vona ég  lesendur njóti vel og verði ekki fyrir vonbrigðum.

 

Athugasemdir

[Ómar Ragnarsson, 3.12.2008 kl. 22:17]

Til hamingju með bókina! Ef allt í henni er á þá lund sem sjá má á þessari mynd er tilhlökkunarefni að eignast hana og skoða.

[Sigurður Þór Guðjónsson, 4.12.2008 kl. 13:39]

Ég var að fletta þessari bók í gær og líst vel á hana.

[Þorkell Guðbrands (IP-tala skráð) 5.12.2008 kl. 15:00]

Þetta er greinilega bókIN fyrir okkur Sigurð og aðra í The Einar Sveinbjörnsson Fan Club!