Kalt til landsins

Snævi þakið landi hefur náð að kólna hressilega síðasta sólarhringinn eð svo og nú er talsverður gaddur víða  um landið.  Frostið hefur mest orðið eins og svo oft áður í Möðrudal á Fjöllum, 24 stig*.  Við Mývatn var frostið 17 stig í nótt og eins á Þingvöllum.  Loftið yfir landinu er alls ekki sérlega kalt, en stillu og heiðan himinn þarf til og snjóþekjan eykur enn frekar á hraða útgeislunar yfirborðs.

Eins og stundum vil verða við þessar aðstæður, frystir ekki í sérstökum og afmörkuðum landshluta.  Sá er Mýrdalur og undir Austur- Eyjafjöllum.  Þar var hitinn um +2°C í morgun. Áreiðanlega upplifun að aka frá Hellu þar sem frostið er 10 stig og áfram austur þar sem stigið er út  í "velgjuna" t.d á Steinum eða við Skóga. 

Ljósmynd: Lára Stefánsdóttir, sem tekið hefur margar fallegar og listrænar vetrarmyndir einkum í Eyjafirði.

* Bagalegt að hafa ekki lengur aðgang að lágmarkshita (skrá yfir lægstu gildi)  á vefsíðu VÍ.  Þar með fást ekki upplýsingar af lágmarki skeytastöðvanna s.s. eins og á Grímsstöðum á Fjöllum en þar ef kuldinn oft hliðstæður við Möðrudal.

Athugasemdir

[Gylfi Björgvinsson, 14.12.2008 kl. 11:38]

Merkilegt .... Hvað er það sem veldur svona hitamismun, nú er þetta svæði þ.e. Mýrdalurinn og Eyjafjöllin svo að segja undir jökli í það minnsta í návígi við jökul svo varla kemur ylurinn þaðan. Gaman væri að fá einhverjar tölfræðilegar skýringar á þessu líka vegna þess að það er svo oft sem er miklu meiri hiti þarna en annarstaðar við svipaðar aðstæður og nú.

[Sigurður Þór Guðjónsson, 14.12.2008 kl. 19:36]

Frostið á Neslandatanga við Mývatn fór í 26,3 stig í dag milli kl. 14 og 15 og hitinn í 4,3 stig á sömu klukkustund á Skarðsfjöruvita!

[Björn Jónsson (IP-tala skráð) 15.12.2008 kl. 00:07]

Það er hægt að sjá næturlágmörk hér:

 http://brunnur.vedur.is/athuganir/

 (skrár með nöfn sem byrja á ATH)

[Sigursteinn R. Gíslason (IP-tala skráð) 15.12.2008 kl. 09:46]

Hvað varð um alheimshlýnunina?  Nú hefur verið kuldatíð hér á landi í meira en þrjár vikur og útlit fyrir áframhaldandi kuldatíð.  Þetta styrkir trú mína að fyrirbærið "Alheimshlýnun" er bara svindl, svik og hræðsluáróður til að búa til nýjan áróðursiðnað. 

Það er ekkert að hlýna á Jörðinni.  Þetta er bara lygi allt saman.

[Sigurður Þór Guðjónsson, 15.12.2008 kl. 11:13]

Þessi næturhiti, eins og ég hef margoft bent á, er alltaf meira og minna vitlaus fyrir sjálfvirku stöðvarnar. Betra að hafa engan lista en vitlausan.

[Kristján Ólafsson (IP-tala skráð) 16.12.2008 kl. 09:41]

    Skilin á þessum hita á vetrum er við Seljalandsmúla  því Hvammur Vestur-Eyjafjöllum er stundum með meiri hita en í Steinum.