17.1.2009

Óvenjuleg hlýindi í Kaliforníu

Á meðan kaldir vindar frá Kanada með miklu frosti leika um Atlantshafsströnd N-Ameríku eru á sama tíma óvenjuleg hlýindi við vesturströndina, nánar til tekið í Kaliforníu. Í Los Angeles voru 27°C í gær eða um 10 stigum ofan meðallags janúarmánaðar.

Orsakarinnar er að leita til hinna svokölluðu Santa Ana vinda sem eru í tengslum við háþrýsting að vetrarlagi yfir Klettafjöllum og eyðimörkum hálendis vesturstrandarinnar. Vindar þessir, sem steypast niður að sjávarmáli einkennast af því að loftið hlýnar sem nemur um 1°C fyrir hverja 100m í lækkun.

Heit golan magnar upp glóð elds sem leynast kann, enda búið að vara eina ferðina enn við gróðureldum í grennd við borg Englanna.

Flokkur: Utan úr heimi | Breytt 26.8.2009 kl. 13:41 | Facebook

Athugasemdir

Greinilega kominn tími til að flytja... hér í Minnesota var 37 stiga frost í nótt (fyrir utan windchill). Þetta er lang kaldasti og snjóharðasti veturinn sem ég man eftir hér s.l. 7 ár...hvar er eiginlega blessuð hnattræna hlýnunin? Heyrði reyndar talað um að þetta væri sökum La Nina...litlu systur El Nino í Kyrrahafinu...er eitthvað til í því?

Róbert Björnsson, 17.1.2009 kl. 00:59

Hér í Alabama er búið að vera hroll kalt frá því í nóvember eða í allt of langann tíma. Þegar ég fór á fætur í morgunn var hitamælirinn í 12F eða tæpar -10 C og er það mesti kuldi sem við höfum séð en þetta er þriðji veturinn sem við erum hérna. En að sama skapi er fallegt veður eins og við köllum það heima á skerinu, heiðskýr himinn og sólskyn. Við þökkum fyrir á meðan ekki er nein úrkoma en þá yrði allt stopp hér í suðrinu ef það færi að vera hálka á vegum snjór.

Steingrímur Jónsson (IP-tala skráð) 17.1.2009 kl. 03:47

Hlýindunum er eitthvað misskipt í Bandaríkjunum þessa dagana.

Nýleg frétt:

Big chill: Blast of Arctic air stuns eastern US

BIRMINGHAM, Ala. (AP)  Alabama was colder than Alaska, water fountains froze into ice sculptures in South Carolina and Florida shivered through a brush of Arctic air blast that deadened car batteries in the Northeast and prompted scattered Midwest power outages....