Með fallegri tunglmyndum af snæviþöktu landinu

 Þessa glæsilegu mynd sendi Ingibjörg Jónsdóttir mér.  Hún er tekin í hádeginu, nánar tiltekið kl. 12:33.  Nýsnævið sker sig mjög vel frá sjónum og afar skarpir drættir koma fram.  Athyglisvert er að sjá að á láglendi norðaustanlands og á Héraði er jörð alauð á meðan hvítt er ofan í fjöru víðast annars staðar.  Eins og svo oft áður á þessum myndum sést vel hvað almennt virðist snjólétt framantil í Skagafirði.  Takið líka eftir því að Þingvallavatn hefur enn ekki lagt.

 

 

Tunglmyndin er frá móttökustöðinni í Dundee og er samsett úr hitamynd og ljósmynd. Til aðgreiningar er settur í hana örlítill litur.  En þar sem birtan er enn takmörkuð þetta norðarlega gætir áhrifa ljósmyndarinnar lítt fyrir norðan og vestan land.  Meginísjaðarinn er vel greinilegur og langt undan Vestfjörðum, líkast til handan miðlín.  Góð tíðindi að hafísinn skuli vera fjarri.

 

Athugasemdir

[HP Foss, 30.1.2009 kl. 23:49]

Frábær mynd!

[Hildigunnur Rúnarsdóttir, 31.1.2009 kl. 00:30]

vá, klikkað flott!

[Hörður Þórðarson, 31.1.2009 kl. 05:57]

Takk Einar. Hafísinn á norðurhveli jarðar hefur verið minni en í meðallagi í rúmlega 5 ár samfellt...

http://arctic.atmos.uiuc.edu/cryosphere/IMAGES/sea.ice.anomaly.timeseries.jpg

[Arndís Erlingsdóttir (IP-tala skráð) 31.1.2009 kl. 11:47]

Ég sendi þessa mynd til frændfólks í Canada, þau eru stórhrifin af henni en spyrja hvað þetta veðurtungl sé langt frá jörðu. Kveðja. Arndis.

[Sigurjón, 1.2.2009 kl. 02:33]

Mjög góð mynd hjá þér Einar!  Takk fyrir...

[Jón Páll Vilhelmsson, 2.2.2009 kl. 12:31]

Flott mynd.

Það sem mér finnst athugavert er lögun ísjaðarins. Hann virðist fylgja straumiðum í hafinu. Er eitthvað til í því?

Þetta er eins og myndir af seigfljótandi lituðum vökva í tilraunaglerbúri!