10 gráða hitamunur á Vesturlandi

Þegar þetta er skrifað um kl. 16 er óvenju skarpt lægðardrag yfir landinu.  Sunnan þess, þ.e. suðvestanlands er hálfgerð vorveðrátta, þ.e. sunnanþeyr og  5 til 6 stiga hiti.  Norðan þess er  NA-átt og  hríðarveður  og frost. 

Svo skörp voru þessi skil kl. 15 að á milli Húsafells og Holtvörðuheiðar voru 10°C í hitamun eins og sjá má á úrklippunni af veg Veðurstofunnar. Vitanlega er hæðarmunur þarna á milli, en hann skýrir ekki nema lítinn hluta þessa skarpa hitafalls til norðurs.

Athugasemdir

[Þorkell Guðbrands (IP-tala skráð) 24.2.2009 kl. 16:41]

Einar! Var að reyna að senda þér póst á [e-mail] - Fæ það í hausinn aftur, serverinn mx.nepal.is segir að pósthólfið sé fullt?

kv.

[Sigurður G. Tómasson, 27.2.2009 kl. 15:56]

Sæll Einar!

Tók eftir þessu en vakti jafnframt athygli á því hve lítið er um  að skilin sjáist á veðurkortum í sjónvarpi. Kannski er um að kenna hve flókið það getur verið að skrifa hitaskil, kuldaskil og samskil ásamt breytingum á þeim inn í þessi hreyfiforrit sem nú þykja svo flot. Má ég þá heldur biðja um hreyfingarlaus kort og trúnað við klassíska myndræna túlkun á veðri. Veðurfregnirnar eru ekki partur af Idol-keppninni, er það. Við erum með þessu að ala upp kynslóð sem heldur að helstu veðurtáknin séu pollagalli og bikini!

Kveðja!