Mesta illviðri í Seattle í 10 ár

Óveðrið sem gekk yfir Washingtonfylki í gær er samkvæmt ágætri frétt í Seattle Times það versta á þessum slóðum í yfir 10 ár eða frá því að Inauguration Day stormurinn gekk yfir þann 20. jan 1993.

Veðrið nú er af völdum vetrarlægðar af Kyrrahafi sem gekk yfir suðurhluta Vancouvereyju og í Seattle hefur því blásið af SV og V án þess að ég hafi kynnt mér það til hlýtar.  Vindurinn á alþjóðaflugvellinum Seattle Tacoma for í hviðum  í rúmlega 30 m/s og er það mesti mældi vindur á flugvellinum í 30 ár.

Mikið rigndi samfara lægðinni og urðu flóð í borginni.  En það eru myndarleg barrtréin sem gafa sig í verstu stormum á sessum slóðum eins og myndin ber með sér.  Fallin tré og stofnar liggja þá eins og hráviði um allt og fólki er mest hætta búin að keyra á tré eða fá það yfir bílinn.

Þess er getið að mikið hafi snjóað í fjöllunum inn  til landsins (Klettafjöll) um leið og lægðin fór inn yfir meginlandið. 

Að minnsta kosti sex látnir í illviðri í NV-Bandaríkjunum

Athugasemdir

[Rakel Þ (IP-tala skráð) 17.12.2006 kl. 01:22]

Ég var einmitt að fljúga til Seattle þennann dag fyrir 10 árum og flugið tók 12 tíma sem var lengra en áætlaður flugtími var (frá Köben og til Seattle). Og það var sama ástand þá og nú svo að það hefur ekki mikið breyst á þessum 10 árum í þeirra skipulagi. T.d. rafmagslínum og vega samgöngum. Humm !! Á fólk ekki að læra á svona ?

[Einar Sveinbjörnsson, 17.12.2006 kl. 09:41]

Sæl Rakel.  Athyglisvert að einhver hér á landi tengist og muni eftir óveðri á vesturströnd Bandaríkjanna fyrir nærri 14 árum !!.  Það er rétt að þetta óburðuga raforkudreifikerfi í loftinu fer oft ansi illa þegar það hvessir eða snjóar og vandræði vegna óveðurs verða því meiri en ala þyrfti að verða.