Fellibylurinn Bill

Fellibylurinn Bill er orðinn 4. stigs fellibylur austur af Vestur-Indíum.  Þrýstingur í miðju er áætlaður um 950 hPa.  Eins og sjá má á MODIS-myndinni frá því laust eftir kl. 14 nær Bill yfir stórt hafsvæði.  Braut Bills er spáð næstu daga til norðvesturs og síðar til norðurs og ólíklegt er að hann nái inn á Karabíahafið eða austurströnd Bandaríkjanna.  Hann mun að öllum líkindum leita út á heldur svalara haf samkvæmt þeirri spá um feril hans frá fellibyljastöð NOAA. Fellibylnum er spáð undan ströndum Nova Scotia á sunnudag og þá gæti háloftadrag í vestanvindinum þarna uppi hæglega fangað Bill, þó svo að mestur vindur verði úr honum þá.  Blanda af nýmyndun lægðar við fellibyljaleifar getur verið sprengiefni. 

Spár um framhaldið eru vitanlega óljósar.  Í morgun reiknaði Bandaríska GFS líkanið í Washington, djúpa lægð skammt suðurundan um miðja vikuna, en sú nýjasta gerir ráð fyrir henni við S-Grænland !

Margir dagar til stefnu, Bill er enn eins víðsfjarri og hugsast getur.  Samt fylgist maður með.  Þó það nú væri:) 

Athugasemdir

[Gunnar Th. Gunnarsson, 19.8.2009 kl. 17:28]

Langtímaveðurspáin gerir ráð fyrir að "Bill" lendi á Reyðarfirði að lokum, eins og ég bendi á á bloggi mínu.

[albert (IP-tala skráð) 19.8.2009 kl. 18:18]

Einar, hafa veðurfræðingar fundið einhverja ástæðu fyirir óvenjulegu veðurfari og þá helst miklum þurrkum í sumar?