Þorskstofninn í Barentshafi blómstrar

Rétt eins og við Ísland hefur sjávarhitinn farið hækkandi í Barentshafinu síðasta áratuginn og rúmlega það.  Nú er hiti sjávar á þessum slóðum um 1,5 til 2°C hærri en hann var á árunum frá um 1960-1980, segar sjávarhiti í N-Atlantshafi var almennt séð í lægri kanntinum.

Hrygningarstofn þorsks hefur heldur betur tekið við sér, fyrir 10 árum var hann álitinn vera um 300 þús. tonn en fiskifræðingar segja hann nú vera um 1 milljón tonna.  Athugið að hér er verið að tala um hrygningarstofn ekki veiðistofn, hann er mun stærri.  Í Barentshafinu hefur ekki verið svo stór hrygningarstofn þorsks frá því skömmu eftir seinna stríð !

Hærri sjávarhiti hefur leitt til aukningar í frumframleiðslunni sem hefur komið þorski, ýsu, ufsa og síld sérlega vel í Barentshafinu.

Hér við Íslandsmið hefur ýsustofninn notið góðs af markvert hærri sjávarhita frá 1996 og sama má segja um ufsa.  Þorskstofninn nær hins vegar lítt að braggast og nýliðun flest árin verið léleg.  Er þar annað uppi á teningnum var hér þegar sjórinn tók að  hlýna hér á árunum eftir 1920, en þá stækkaði þorskstofninn hröðum skrefum og risaárgangar klöktust út.  Æti virtist um allan sjó á sama tíma og þorskurinn virtist þrífast vel.  Hafa ber í huga að á þessum tíma var ekki veidd loðna, heldur ekki rækja í neinum mæli og Norðmönnum hafði næstum því tekist að útrýma stórhvelastofnum á Íslandsmiðum þegar veiðar voru bannaðar 1915. 

Þrátt fyrir það stingur það mjög í augu og þarfnast haldbærra skýringa, hvers vegna þorskstofninn hér við land skuli ekki nú njóta góðs af batnandi árferði á sama hátt og stofninn í Barentshafi ? Vart er hægt að kenna veiðiálagi um en veiðin hefur verið hófleg síðustu árin miðað við stofnmat.  Sumir hafa bent á að aldurssamsetning stofnsins sé óhagstæð fyrir vel heppnaða hrygningu.  Það má vel vera, en þá spyr maður sig jafnframt að því hvernig í ósköpunum gat það gerst að hrygningarstofninn í Barentshafi sem var orðinn heldur smár náði að vaxa um 300% á einum áratug ?  Og getur það sama gerst hér ?

Athugasemdir

[Sigurður Þór Guðjónsson, 24.8.2009 kl. 13:26]

En er ekki þetta ''batnandi árferði'' mikið áhyggjuefni? Skelfilegar vísbendingar um Global Waming!

[Sigurjón Þórðarson, 24.8.2009 kl. 16:16]

Er ekki komið að því að játa það að það er stöðugt minna rými fyrir nýliða eftir því sem minna og minna er veitt?

Þetta er nú ekki mjög flókið.

[hh (IP-tala skráð) 24.8.2009 kl. 16:25]

Það er nógur þorskur í sjónum og alveg óhætt að veiða ca 250 - 300 þús tonn. Eina sem gerist er að verð á leigukvóta hrapar.

[Gunnar Th. Gunnarsson, 24.8.2009 kl. 17:53]

Kristinn Pétursson er með skýringar á þessu á sínu bloggi.

[Þorkell Guðbrands (IP-tala skráð) 24.8.2009 kl. 20:00]

Fyrir utan þennan almenna, líffræðilega þátt, sem Sigurjón sveitungi minn bendir á, er nokkuð um það að ræða að þorskurinn sé einfaldlega búinn að flytja sig?

[Sigurður Þór Guðjónsson, 25.8.2009 kl. 00:55]

Við skulum samt vona að veðurfræðin sé meiri ''vísindi''en fiskifræðin að áliti Kristins Peturssonar.

[Pálmi Freyr Óskarsson, 25.8.2009 kl. 03:21]

http://brunnur.vedur.is/athuganir/ATH_20090822_1800.txt

Listi keyrður út kl. 18:50 þann 22.08.2009                 
                        Gildir fyrir 2009-08-22 kl. 18                       
-------------------------------------------------------------------------------
Mestur hiti í Reykjavík í dag var 13.4 stig.
Í Reykjavík mældist 0.5 mm úrkoma í dag.


Mestur hiti (minnst frost) á landinu í dag:
     Láglendi:                              Fjöll:
     17.7 °C Ásbyrgi                       40.1 °C Skálafell
     17.3 °C Brúsastaðir sjálfvirk st      15.4 °C Siglufjörður - Hafnarfjall
     16.8 °C Staðarhóll                    14.6 °C Svartárkot sjálfvirk stöð
     16.5 °C Torfur sjálfvirk stöð         13.0 °C Grímsstaðir
     16.4 °C Möðruvellir                   11.9 °C Upptyppingar
     16.4 °C Sauðárkrókur flugvöllur       11.1 °C Kolka


Mesta úrkoma á landinu í dag:
     1.4 mm Vatnsskarðshólar
     1.0 mm Eyrarbakki
     0.9 mm Bláfeldur
     0.5 mm Reykjavík
     0.3 mm Stórhöfði
     0.2 mm Hjarðarland
     0.2 mm Keflavíkurflugvöllur


Mesti vindhraði kl. 18:
     Láglendi:                              Fjöll:
     19 m/s Stórhöfði sjálfvirk stöð        14 m/s Skálafell
     19 m/s Stórhöfði                       13 m/s Skarðsmýrarfjall
     14 m/s Surtsey                         11 m/s Bláfjöll
     12 m/s Vatnsskarðshólar sjálfvi        11 m/s Þúfuver
     12 m/s Grindavík                       10 m/s Hellisskarð
     12 m/s Vatnsskarðshólar                 9 m/s Vatnsfell

[Pálmi Freyr Óskarsson, 25.8.2009 kl. 03:29]

Einkennilegur hiti er búið að vera á Skálafelli.