September var endasleppur

Nýliðinn september var tiltölulega hlýr en síðustu dagana gaf mánuðurinn mjög eftir hvað hitafar áhrærir. Í Reykjavík var meðalhitinn 1°C yfir meðallagi, þ.e. 8,4°C. Framan af mánuðinum var  hlýtt og stefndi lengi vel í það að september 2009 kæmist í tölu allra hlýjustu mánaðanna í sögu mælinga.  Ef við skoðum meðalhitann á hverjum degi má sjá að eftir mjög góðan kafla fyrsta þriðjunginn, tekur að falla undan fæti.  Síðustu 5 til 6 dagana kastar hins vegar tólfunum og má segja að straumhvörf verði um 24 eða  25. september.  Þá kólnaði til muna, í stað þess að milt loft léki um landið úr suðri og suðvestri, snerist til norðvestlægrar og vestlægrar vindáttar og kólnaði  til mikilla muna. 

Í yfirliti Veðurstofunnar fyrir sept. 2009 segir að úrkoma hafi aðeins verið í ríflegu meðaltali sem þykir heldur klént eftir rigningar undanfarina ára á þessum tíma um landið sunnanvert.

Athugasemdir

[Jóhann Grétar Kröyer Gizurarson (IP-tala skráð) 3.10.2009 kl. 16:54]

Skv. vefnum www.wetterzentrale.de eru hitamyndirnar fyrir Ísland ekkert of jákvæðar. Það verður kallt a.m.k. fram að 11.Október. Hvet því landann að draga fram þykku úlpurnar og kuldaskóna.