Hitinn 19 stig á Seyðisfirði

Sumarhlýindi hafa verið víð austanlands í dag, einkum frama af deginum.  Þannig sýndu sjálfvirkir mælar á Seyðisfirði og Skjaldþingsstöðum í Vopnafirði 18,9°C mest í dag.  Þó hlýtt sé þægilegri SV-áttinni nú í október er ástand sem þetta ekkert sérlega óvenjulegt, en yfirleitt heyrir til tíðinda ef hitinn fer yfir 20 stigin í október.

Síðast gerðist það í október fyrir tveimur árum, nánar tiltekið þ.19 (2007) og einnig á Seyðisfirði, 21,0°C. Þegar maður flettir þeim degi upp og skoðar bakgrunn hlýindanna má sjá að nú er nánast um endurtekið efni eða "ljósritun" veðurkortanna að ræða. SV-átt, hlýr hæðarhryggur fyrir austan land og vindur í háloftunum mjög suðlægur.  Lægðasvæði í báðum tilvikum sunnarlega á Grænlandshafi og eins mjög ákveðið aðstreymi af köldu lofti suður yfir Finnland og Austur-Evrópu. 

Á myndinni sem hér fylgir má sjá bylgjuský í hvassri SV-áttinni.  Myndin er MODIS-mynd vef Veðurstofunnar. Hún hefur verið rétt upp og skorin rétt til.  Á vefinn koma nú inn myndir sem þessar dag hvern síðdegis.

 

Athugasemdir

[Emil Hannes Valgeirsson, 14.10.2009 kl. 20:46]

Þessar MODIS myndir eru frábær viðbót á Veðurstofuvefnum.

[Þorkell Guðbrands (IP-tala skráð) 14.10.2009 kl. 21:12]

Gætuð þið fróðleiksmenn skýrt fyrir okkur sem minna vitum, hversvegna þetta "auga" er á gerfihnattamyndinni, tja, getur það verið yfir Mývatni?

[Sigurður Þór Guðjónsson, 14.10.2009 kl. 23:57]

Hvað skyldi hiti í október geta orðið hár í Reykjavík við allra bestu skilyrði?

[Ari (IP-tala skráð) 15.10.2009 kl. 01:18]

Þetta "auga" er reyndar ca. yfir Dettifossafleggjara við hringveginn, eflaust bara tilviljun að þetta er svona, smá gat yfir landinu rétt við skýjabakka þar sem skuggi er inn á milli.