Fáum við spurnir af öskufalli í S-Skandinavíu í kvöld ?

Í Öskjugosinu 1875 féll aska í Helsinki.  Það gos var reyndar sprengigos af stærri gerðinni.  Hefði ég verið spurður í upphafi þessa goss hvort ég teldi að gjóska myndu berast víða hefði ég sagt það ólíklegt.  Mynd MODIS frá því í hádeginu og Ingibjörg Jónsdóttir hefur lagað til er farin víða.  Önnur MODIS mynd frá því kl. 13:30 sýnir gjóskugeirann mjög greinilega og ekki annað að sjá en sýnileg óhreinindi í lofti séu komin allt að vesturströnd Noregs.

Skotvindurinn í háloftunum, eða öllu heldur kjarni hans hefur meira og minna legið um Ísland og áfram til ASA yfir Atlantshaf.  Hvass vindurinn á bæði þátt í því hvað gjóskuskýið nær langt og eins líka hversu dreifingin í allar áttir er í raun lítil.  Hægari vindur hefði bæði gert það að verkum að mökkurinn hefði risið hærra og eins hefði geisli geirans orðið víðari ef svo mætti segja.  

Afar athyglisvert, hvernig sem á það er litið.

Athugasemdir

[Jón Steinar Ragnarsson, 16.4.2010 kl. 01:23]

Klukkan þrjí í gær Miðvikudag bárust spurnir af ösku a bílum í Ski, sem er að mig minnir suð-austur af Osló.  Hér er frétt um það.

[Jón Steinar Ragnarsson, 16.4.2010 kl. 10:23]

Þetta átti auðvitaðað vera á fimmtudag kl. 15:00