Skarpir drættir í nýsnævinu norðanlands

Eftir að létti til í dag beið ég í ofvæni eftir ljósmyndum utan úr geimi. Áætlun MODIS-tunglanna í dag var okkur ekki sérlega hagstæð.  Bæði AQUA- og TERRA-tunglið mynduðu Ísland í ytri ramma og því er landið ýmist hálft eftir daginn eða þá bjagað. 

Samt sem áður sést vel hve fjöllin við Eyjafjörð, á Tröllaskaga og í Fjörðum og á Flateyjardal eru snævi þakin eftir hretið um miðja vikuna.  Skaginn er lágur og nánast má lesa frostmarkslínuna þar sem fjöllin hækka inn til landsins.  Víst er að ofan ákveðinnar hæðar er kominn talsverður snjór og mótar vart fyrir klettabeltum eða auðum svæðum á þessari mynd.  Skuggar eru vissulega líka teknir að lengjast og sjást vel.  AQUA-tunglið náði myndinni í dag kl. 13:50  þar sem norðanvert landið er í suðurjaðri hennar. Svarfaðardal og Skíðadal má líka nánast teikna upp út frá snjónum sem og fleiri !

Athugasemdir

[VIlli Bjarna (IP-tala skráð) 7.10.2011 kl. 17:46]

Smellt einmitt af þessari mynd í dag. Tekin á Akureyri, léleg mynd úr farsíma en sýnir þessa drætti vel.