Hált + hvasst = bílar fjúka út af

10 til 15 bílar hafa fokið út af veginum yfir Holtavörðurheiði fyrr í kvöld samkvæmt fréttinni sem vísað er til hér að neðan.

Það frysti um miðjan dag eftir bleytuna og síðan hefur gengið á með éljum.  Vegurinn er þá flugháll, ekki tiltakananlega hvasst, en þó 17-18 m/s sem er nægjanlegur vindur miðað við þessar aðstæður til þess að ökumenn verði í vandræðum með að halda bílum sínum inn á uppbyggðum og sléttum veginum. 

Þetta hefur lítið með vanbúnað eða vankunnáttu að gera, frekar að ekki sé ekið eftir aðstæðum, þ.e. slegið nægjanlega af hraða  Hins vegar skiptir miklu að vegfarendur fái eins góðar upplýsingar um ástand mála og veðurútlit næstu klst. og völ er á áður en lagt er í hann.  Ég er ekki viss um að einmitt þær upplýsingar séu nægjanlega greinargóðar.  Því fara margir af stað í betri trú en síðan veðrið og akstursskilyrði gefa kannski tilefni til. 

Margir bílar utanvega á Holtavörðuheiði; heiðinni lokað um stundarsakir

Athugasemdir

[Sigfús Sigurþórsson., 24.3.2007 kl. 03:10]

Ég frétti hjá tveimur aðilum sem fóru þarna yfir síðdegis og sögðu þeir báðir að aðstæur væru mjög erfiðar, bæði vegna hálku og roks, og einn bíll sem var í samfloti snéri við norðanverðu við heiðina.

[Benedikt Magnússon (IP-tala skráð) 25.3.2007 kl. 00:13]

Þetta er nokkuð athygli vert í ljósi umræðna um uppbyggða vegi á hálendi Íslands. Nú er holtavörðuheiðinn ekkert sérstaklega há né löng í samanburði við vegi eins og t.d. Kjalveg eða Sprengisand.

 Hvernig skyldi ástandið verða á þessum vegum ef að þeir verða gerðir að uppbyggðum vetrarleiðum eins og hugmyndir eru um. Eins veltir maður fyrir sér hvernig hefði t.d. verið umhorfs á uppbyggðum Kjalvegi um síðustu helgar, þegar öngþveiti hefur verið á stuttum heiðum eins og Hellisheiði.

 Ég held að fylgismenn þess að gera hraðbrautir yfir hálendið hafi ekki hugmynd um hvað þeir eru að tala þegar þeir fullyrða að veðurfar á þessum slóðum sé ekki vandamál. Það er nefnilega ekki ófærð vegna snjóa sem er vandamál, það er blinda og ofsarok ásamt hálku sem áeftir að verða vandmál á svona vegum

Benedikt Magnússon
Formaður ferðaklúbbsins 4x4

[Rúnar Haukur Ingimarsson, 27.3.2007 kl. 13:52]

Ég renndi þarna framhjá stuttu eftir að síðustu bílarnir kysstust, það var ekkert óveður þarna og þaðan í frá brjálað veður. Það renndi annað slagið yfir veginn og var annsi blint, svona svipað og þegar maður mætir þessum flutningadrekum á leiðini og þeir ausa yfir mann vatni og drullu. Það var töluverð hálka og eftir því sem ég færðist niður af heiðini sunnanmeginn þá sá maður það að þessir aðilar sem lentu í vandræðum hefðu ekki átt að láta það koma sér á óvart að það væri hálka, hún var byrjuð langt niðri í byggð. Held að margir hafi bara keyrt of hratt miðað við aðstæður.

Varðandi uppbyggða hálendisvegi þá vil ég nú bara segja við Benedikt að það er nú verið að sækja jeppamenn uppá hálendið oft á vetri - kanski bara betra að banna þeim að fara þangað ?

[Baldvin G. Heimisson (IP-tala skráð) 30.3.2007 kl. 09:22]

Ég er einn af þeim sem lenti í hremmingum á heiðinni, það er rétt hjá Rúnari að menn meiga huga að hraðanum við þessar aðstæður, hann er alltof mikill. Það var hinsvegar ansi blint þegar áreksturinn varð. Flutningabílar eru orðnir alltof margir á þjóðvegi 1 fyrir minn smekk, það mætti nota í meira mæli sjóflutninga. Einnig ættu flutningabílstjórar að setja keðjur á bílana miklu oftar, þeir komu skautandi þarna niður brekkuna.

Baldvin G. Heimisson