Rakin blíða norðaustan- og austanlands

Nú í morgun kl. 09 hafði hitinn þá þegar náð 19°C á a.m.k. þremur mælistöðum.  19,3°C voru í Ásbyrgi og 19,0° bæði á Egilsstöðum og í Neskaupsstað. Fróðlegt verður að sjá hvort hitinn nái á þessum stöðum nái 25°C markinu´síðar í dag eins og ég ýjaði að í færslu hér í gær.  Athyglisvert er að sjá þetta háan hita í Neskaupsstað, því handan Oddskarðsins nánar tiltekið á Eskfirði er ekki nema 9°C og svipaður hiti á Kollaleiru fyrir botin Reyðarfjarðar.  Ekki er ólkílegt að Austfjarðaþokan komi þar eitthvað við sögu.

Athugasemdir

[Jón Agnar Ólason, 10.6.2006 kl. 09:34]

Merkilegt hvað veðrið getur orðið ótrúlega gott á Norð-austur kantinum; hef lent í sannkölluðu "útlandaveðri" á Akureyri, Vopnafirði og Egilsstöðum, nokkuð sem maður kemst varla í annars staðar ... máske af því heitur loftmassi frá meginlandinu endist ekki nema rétt inn á landið og fjarar svo út? Mig brestur þekkingu til að segja til um það, en Veðurvaktin er bráðfróðleg að vanda.