Ekki beint gæðaspá

Þessi spá sem fengin er af forsíðu Veðurstofunnar frá því kl. 18 og gildir kl. 00 getur seint talist góð.   Hún er kannski nothæf fyrir Vestmannaeyjar, en annars allt of lágur hiti á landinu og þar með snjókoma á stöðum þar sem verur frekar slydda eða rigning.

Ekki veit ég hvað hefur komið fyrir hjá Veðurstofunni í sjálfvirku spánum að þessu sinni, en maður sér þetta gerast þegar hitasveiflur eru miklar á skömmum tíma. 

Athugasemdir

[Þorkell Guðbrandsson (IP-tala skráð) 12.2.2009 kl. 19:49]

Eitthvað er smávegis búið að laga þetta núna. Það er talsvert annar svipur á spánni hjá þeim félögum í "Belgingi", a.m.k. hvað úrkomu varðar. Ég hélt satt að segja að það væri tenging þarna í milli, en líklega hef ég misskilið það eitthvað.  Hér er núna kl. 19:45 hægur vindur og úrkomulaust, en samfelld (7/8) gráblika yfir allt loftið. Sé ekki nógu vel til suðurs, en þar gæti svo sem verið farin að læðast niður úrkoma inn til landsins. Loftvogin er fallin í 1017 hPa frá því að vera um 1021 um sexleytið í morgun. Það teljast nú ekki vera nein ósköp á Íslandi? Frostið hefur hinsvegar minnkað úr um það bil 13 gráðum í 5 gráður.

[Jóhannes Einarsson, 13.2.2009 kl. 08:41]

Það var tilviljun að ég rakst á þetta. Var búinn að velta vöngum klóra mér í skallanum yfir spánni í gær vegna ferðar frá Rvk í Stykkishólm nú á eftir. Nú er ég sennilega hættur við að hætta við að fara á einum bíl frekar en öðrum og þessi ruglingur með veðurkort kostar mig sennilega ekki meira vesen en smá forfæringar á dóti milli bíla. Takk fyrir að vera á vaktinni!