Ekki algeng upplifun á Höfuðborgarsvæðinu

Allir tiltækir mælar á höfuðborgarsvæðinu sýndu nú kl.14 a.m.k. 20 stig utan Straumsvíkur þar sem ekki var "nema" 17°C.  Meira að segja upp á Hólmsheiði og  við Sandskeið er vel hlýtt.  Maður fer að ætla  að  ekki væri svo vitlaust að byggja í Geldinganesinu.  Aftur og aftur sér maður ívið hærri hitatölur á góðviðrisdögum þar heldur en á öðrum mælum.  Þó er það engin tjágróður til skýlingar, ekkert nema berangrið. 

  Viðbót: Mælir Reykjavíkurborgar á mengunarmælistöðinni í Húsdýrgarðinum sýndi 22°C á sama tíma.

Athugasemdir

[Jóhann Grétar Kröyer Gizurarson (IP-tala skráð) 13.7.2009 kl. 08:37]

Er ekki ástæða þess að ekki nær svona oft að hlýna all verulega í henni Reykjavík sú að hafgolan er aldrei langt undan í björtum veðrum? Afhverju fer þá hitinn á t.d. Húsavík eða Akureyri oftar upp fyrir 20 C°?

Hvað þarf maður að fara langt upp í land til þess að sleppa við hafgoluna?