Fáheyrt fannfergi sums staðar fyrir norðan

Í morgun þegar tölur bárust frá mælingamönnum Veðurstofunnar kom í ljós að mæld snjódýpt var sums staðar svipuð og hún er um miðjan vetur.  Mest reyndist hún vera við Skeiðsfossvirkjun í Fljótum eða 80 sm.  Þá var hún áætluð 56 sm á Staðarhóli í Aðaldal, á svipuðum slóðum og skólahald hefur verið fellt niður vegna ófærðar.  Þá frétti ég sjálfur að í Ólafsfirði sé um 50 sm snjór yfir öllu.  Þar mældist líka mest úrkoma síðasta sólarhringinn eða 49 mm.  Í þessur hriti hefur úrkomana mælst mest á rúmlega tveimur sólarhringum 90 mm og í Ólafsfirði 89 mm.  Ég hef ekki tölur frá Skeiðsfossvirkjun enn. Öll þessi úrkoma hefur fallið sem snjór.  Aðfaranótt gærdagsins var úrkomuákefðin mest á Austufjörðum, en mikið til sem slydda þar á láglendi.

Fannfergið  þarna á þessum tíma er að sjálfsögðu afar afbrigðilegt eins og margt annað í þessu kuldakasti.

Enn mun snjóa, mest í útsveitum norðanlands næsta sólarhringinn eða svo, en síðan gera spár ráð fyrir að sloti þó niðurlög N-áttarinnar séu enn ekki að fullu ráðin.

Athugasemdir

[Einar Sveinbjörnsson, 25.5.2006 kl. 00:38]

Rabbi !

Ég held nú að sumarið komi á endanum og því hefur meira að segja verið spáð nokkuð hagfeldu loks þegar það mun láta sjá sig. Svo er það alltaf álitamál hvernig skilgreina eigi "ekkert sumar"

Einar Sv.