Nei, hitinn fór ekki í 38°á Raufarhöfn í dag

Á landsyfirliti Veðurstofunnar eftir veðurathuganir kl. 18 mátti lesa að mestur hiti á landinu hefði orðið 38,0°C Á Raufarhöfn.  Þetta er vitanlega helber vitleysa, þó vissulega hefði verið ákaflega ánægjulegt að sjá svo hátt hitastig hér á landi og sérstaklega á okkar ágætu stöð, Raufarhöfn.  Þarna er greinilega um innsláttarvillu að ræða hjá veðurathugunarmanni, frekar en skekkju í álestri á mæli.  Til þess er skekkjan of stór.  Það er hins vegar bagalegt að sjá augljósa villu eins og þessa rata inn á yfirlitin, í stað þess kerfið nái að taka til hliðar grunsamlegar mælingar, sem leiðréttar eru eftir á.  Sjálfvirki mælirinn á Raufarhöfn sýndi hæsta hita +9°C í dag, svo kannski hefur álesturinn á hámarksmælinn verið 8,3°C og sú tala farið í veðurathugunabókina, en fingurnir síðan skautað á lyklaborði tölvunnar þegar skeytið var sent.  En þetta er nú bara mín tilgáta.

Mynd: Raufarhöfn. Ljósm. Mats Wibe Lund 

 

Á yfirlitinu hér að neðan sést að hlýjast hefur orðið annars vegar á Tjörnesi (Mánárbakki og Húsavík) og síðan hins vegar við Patreksfjörð og nágrenni.  Mér finnst það nánast heyra til mikilla tíðinda að sjá 19,9°C á við vitann á Bjargtöngum, vestasta stað landsins sem ævinlega er kaldranalegur í það minnsta þegar ég kem þangað.  Fróðlegt hefði verið til samanburðar að hafa enn mælingar í Breiðavík, en þar var stöðin aflögð fyrir nokkrum árum svo og í Kvígindisdal. Á Lambavatni á Rauðasandi fór  hins vegar í sléttar 19°C.  Allir þessir staðir tilheyrðu Rauðasandshreppi eins og hann var hér áður. (ekki þó viss með Kvígindisdal).

 

 

[ Listi keyrður út kl.19:39 þann 02.06.2007  -  Gögn miðast við kl. 18 - frá mönnuðum og sjálfvirkum stöðvum. ]
        
************   Varðandi skeytastöðina Reykjavík  m.v. daginn í dag kl.18  ******  
Mesti hiti í Reykjavík í dag var   15,8°C
Í Reykjavík mældist  0 mm  úrkoma í dag
                        
*** Mestur hiti (minnst frost)  á landinu var  (f.o.m. 09 í morgun t.o.m. 18 í dag)  ***
  láglendi  38,0  °C Raufarhöfn .........	 fjöll   15,0  °C Bolungarvík - Traðar
  láglendi  20,4  °C Mánárbakki sjálfvirk	 fjöll   14,8  °C Seljalandsdalur ....
  láglendi  19,9  °C Bjargtangar ........	 fjöll   14,6  °C Grímsstaðir ........
  láglendi  19,8  °C Húsavík ............	 fjöll   14,0  °C Möðrudalur sjálfvirk
  láglendi  19,7  °C Mánárbakki .........	 fjöll   13,9  °C Kolka ..............
  láglendi  19,5  °C Patreksfjörður .....	 fjöll   13,0  °C Ólafsfjörður - Tinda
** Mest úrkoma á landinu var (á skeytastöðv

Athugasemdir

[Ester Sveinbjarnardóttir, 3.6.2007 kl. 02:02]

Nokkuð spaugileg villa